اسلام آباد۔ 21 اپریل (اے پی پی) وفاقی وزیرِ داخلہ محسن نقوی پاکستان نیوی دی طرفوں ’’تیمور‘‘ ایئر لانچڈ کروز میزائل دے کامیاب تجربے تے پوری قوم کوں مبارخ ݙتی اے۔ اپݨے بیان اچ انھاں آکھیا جو مقامی طور تے تیار کیتے ڳئے ایں اینٹی شپ کروز میزائل دا کامیاب تجربہ پاکستان نیوی دے سائنسداناں تے انجینئرز دا ہک شاندار کارنامہ اے جیڑھا دفاعی میدان اچ پاکستان دی وݙی کامیابی …
وفاقی وزیرِ داخلہ محسن نقوی دی ’’تیمور‘‘ کروز میزائل دے کامیاب تجربے تے قوم تے پاک بحریہ کوں مبارخ
اسلام آباد۔ 21 اپریل (اے پی پی) وفاقی وزیرِ داخلہ محسن نقوی پاکستان نیوی دی طرفوں ’’تیمور‘‘ ایئر لانچڈ کروز میزائل دے کامیاب تجربے تے پوری قوم کوں مبارخ ݙتی اے۔ اپݨے بیان اچ انھاں آکھیا جو مقامی طور تے تیار کیتے ڳئے ایں اینٹی شپ کروز میزائل دا کامیاب تجربہ پاکستان نیوی دے سائنسداناں تے انجینئرز دا ہک شاندار کارنامہ اے جیڑھا دفاعی میدان اچ پاکستان دی وݙی کامیابی کوں ظاہر کریندے ۔ محسن نقوی مزید آکھیا جو اے کامیاب تجربہ ملکی دفاعی شعبے اچ ہک اہم سنگِ میل اے تے ایندے توں ثابت تھیندے جو پاکستان نیوی اپݨی سمندری حدود دے تحفظ کیتے پوری طرح پرعزم تے تیار اے ۔ انھاں میزائل دی تیاری تے کامیاب لانچنگ اچ حصہ گھنݨ آلی ساری ٹیم دیاں کوششاں دی تعریف کیتی اے۔
