پاک بحریہ دا مقامی طورتے تیار کیتا ڳیا اینٹی شپ ویپن سسٹم ’’تیمور ایئر لانچڈ کروز میزائل‘‘ دا کامیاب تجربہ

راولپنڈی۔ 21 اپریل (اے پی پی) پاک بحریہ مقامی طور تے تیار کیتا ڳیا اینٹی شپ ویپن سسٹم ’’تیمور ایئر لانچڈ کروز میزائل‘‘ دا کامیاب تجربہ کیتے جیڑھا ٹھیک نشانے تے آپریشنل تیاری دی بھرپور صلاحیت دا مظاہرہ اے۔ پاک فوج دے شعبہٴ تعلقاتِ عامہ (آئی ایس پی آر) توں جاری بیان موجب پاک بحریہ مقامی طور تے تیار کیتے ڳئے اینٹی شپ ویپن سسٹم ’’تیمور ایئر لانچڈ کروز میزائل‘‘ دی کامیاب براہِ راست ویپن فائرنگ کیتی اے۔ ایں میزائل غیر معمولی درستگی دے نال اپݨا مشن مکمل کیتا جیندے نال پاکستان نیوی دی دشمن دے سمندری اہداف کوں لمبے فاصلے توں سنڄاݨ، نشانہ بݨاوݨ تے موثر طریقے نال تباہ کرݨ دی جنگی صلاحیت دی تصدیق تھئی اے۔ صدرِ پاکستان، وزیراعظم پاکستان، چیف آف ڈیفنس فورسز تے مسلح افواج دے سربراہان ایں اہم کامیابی تے سائنسداناں تے انجینئرز کوں مبارخ پیش کیتی اے۔