وفاقی وزیر قیصر احمد شیخ دی کامن ویلتھ ٹریڈ اینڈ انویسٹمنٹ سمٹ اچ عالمی سرمایہ کاراں کوں پاکستان دے نال شراکت داری دی دعوت

لندن۔ 21 اپریل (اے پی پی) وفاقی وزیربورڈ آف انویسٹمنٹ قیصر احمد شیخ کامن ویلتھ دے ملکاں وچال تکڑی شراکت داری، بہتر رابطے تے مشترکہ اقتصادی موقع کوں ودھارا ݙیوݨ تے زور ݙیندے آکھیے جو پاکستان کھلا اے، پاکستان تیار اے تے پاکستان تہاݙا اولین شراکت دار بݨݨ چاہندے۔لندن اچ منعقدہ کامن ویلتھ ٹریڈ اینڈ انویسٹمنٹ سمٹ (سی ٹی آئی ایس 2026) توں خطاب کریندے انھاں پاکستان کوں ہک متحرک، اصلاحات تے مبنی تے سرمایہ کاری کیتے تیار معیشت دے طور تے پیش کیتا تے عالمی شراکت داراں کوں پاکستان اچ موجود وسیع سرمایہ کاری موقع توں فیدہ چاوݨ دی دعوت ݙتی اے۔ وفاقی وزیر عالمی سرمایہ کار برادری کوں واضح پیغام ݙیندے آکھیا جو 24 کروڑ توں ودھ آبادی جیندے اچ اکثریت نینگراں دی اے، بہتر تھیندی ہوئی معاشی صورتحال تے اصلاحات تے مبنی حکومتی حکمتِ عملی دے پاروں پاکستان ہک نویں دورِ استحکام، مواقع تے ترقی دے دہانے تے کھڑے۔پاکستان دی سٹریٹجک سمت کوں اجاگر کریندے وفاقی وزیر آکھیا جو وزیراعظم محمد شہباز شریف دی قیادت اچ پاکستان معاشی بحالی، سرمایہ کاری دے ودھارے تے ادارہ جاتی اصلاحات دے ایجنڈے تے موثر انداز اچ عمل پیرا اے۔ انھاں ݙسایا جو گوادر تے کراچی دی بندرگاہواں فعال تے محفوظ ہن جݙاں جو چین پاکستان اقتصادی راہداری (سی پیک) دے تحت تیار تھیوݨ آلا انفراسٹرکچر عالمی سرمایہ کاراں کوں ترائے ارب توں ودھ لوکاں دی منڈیاں تئیں رسائی ݙیندے ۔ انھاں کامن ویلتھ دے ملکاں کوں دعوت ݙتی جو او پاکستان کوں مینوفیکچرنگ حب، ٹرانزٹ معیشت تے ہک محفوظ سرمایہ کاری منزل دے طور تے استعمال کرن ۔وفاقی وزیر اے تجویز وی پیش کیتی جو آوݨ آلی کامن ویلتھ ٹریڈ اینڈ انویسٹمنٹ سمٹ 2027 یا 2028 اچ اسلام آباد اچ منعقد کیتی ونڄے تاں جو عالمی سرمایہ کار پاکستان دے سرمایہ کاری ماحول دا براہِ راست مشاہدہ کرسڳن۔ بورڈ آف انویسٹمنٹ پاکستان کوں ہک نمایاں عالمی سرمایہ کاری مرکز بݨاوݨ کیتے پرعزم اے۔