نائب وزیراعظم تے وزیرِ خارجہ اسحاق ڈار نال امریکی ناظم الامور نیٹلی اے بیکر دی ملاقات

اسلام آباد۔ 21 اپریل (اے پی پی) نائب وزیراعظم تے وزیرِ خارجہ سینیٹر محمد اسحاق ڈار نال پاکستان اچ امریکی سفارتخانے دی ناظم الامور نیٹلی اے بیکر ملاقات کیتی اے۔ ملاقات اچ اڄوکی علاقائی صورتحال تے ڳالھ مہاڑ کیتی ڳئی۔دفترِ خارجہ توں جاری بیان موجب نائب وزیراعظم تے وزیرِ خارجہ ایں ڳالھ تے زور ݙتا جو پاکستان ہمیشہ توں مسئلیں دے حل تے خطے اچ دیرتئیں امن و استحکام کیتے مکالمے تے سفارتکاری کوں واحد موثر رستہ سمجھدے ۔ انھاں امریکہ تے ایران وچال رابطے ودھاوݨ دی لوڑھ تے زور ݙتا، ݙوہیں فریقین توں جنگ بندی اچ توسیع تے غور کرݨ تے مکالمے و سفارتکاری کوں موقع ݙیوݨ دی اپیل کیتی اے۔ ناظم الامور نیٹلی اے بیکر خطے اچ امن دے ودھارے تے مذاکرات اچ سہولت کاری کیتے پاکستان دے تعمیری تے مثبت کردار دی تعریف کیتی۔