اسلام آباد امن مذاکرات اچ شرکت متعلق حالی تئیں ایران دی طرفوں باضابطہ جواب کائنی آیا، جنگ بندی دے ختم تھیوݨ توں پہلے ایران دا مذاکرات اچ شرکت دا فیصلہ اہم اے، عطاء اللہ تارڑ

اسلام آباد۔ 21 اپریل (اے پی پی) وفاقی وزیر اطلاعات و نشریات عطاء اللہ تارڑ آکھیے جو اسلام آباد امن مذاکرات اچ شرکت متعلق حالی تائیں ایران دی طرفوں باضابطہ جواب موصول کائنی تھیا، پاکستان بطور ثالث ایرانی حکام نال مسلسل رابطے اچ ہے، جنگ بندی دے ختم تھیوݨ توں پہلے ایران دا مذاکرات اچ شرکت دا فیصلہ ٻہوں اہم اے۔سماجی رابطے دے پلیٹ فارم ”ایکس“ تے اپݨی ہک پوسٹ اچ وفاقی وزیر اطلاعات عطاء اللہ تارڑ منڳل کوں پاکستان دے معیاری ویلھے ساݙھے ست وڄے تئیں دی صورتحال دا ݙسیندے آکھیا جو اسلام آباد امن مذاکرات اچ شرکت کیتے وفد دی تصدیق متعلق ایران دی طرفوں باضابطہ جواب دا انتظار اے۔ پاکستان بطور ثالث ایران دے نال مسلسل رابطے اچ ہے تے سفارت کاری تے مکالمے دے رستے تے عمل پیرا اے۔ انھاں آکھیا جو جنگ بندی 22 اپریل کوں پاکستان دے معیاری وقت دے مطابق سویل4 وڄ تے 50 منٹ تے ختم تھیندی پئی اے تے ݙو ہفتے دی جنگ بندی دے خاتمے توں پہلے مذاکرات اچ شرکت توں متعلق ایران دا فیصلہ ٻہوں اہم اے۔ انھاں آکھیا جو پاکستان ایرانی قیادت کوں مذاکرات دے ݙوجھے دوراچ شرکت تے آمادہ کرݨ کیتے مخلصانہ کوشِشاں کیتن تے اے کوشِشاں جاری ہن۔