اسلام آباد۔ 22 اپریل (اے پی پی) اسپیکر قومی اسمبلی سردار ایاز صادق پہلگام واقعے دا ہک سال مکمل تھیوݨ تے بھارت دے کوڑے تے بیہمانہ کردار دی مذمت کریندے آکھیے جو پہلگام واقعہ بھارت دا ہک فالس فلیگ آپریشن ہئی، اپݨی ناکامیاں تے پاکستان کوں موردِ الزام ٹھہراوݨ بھارت دا وطیرہ رہیے ۔ انھاں اپݨے بیان اچ آکھیا جو ایجھے فالس آپریشنز ایں پست ذہنیت دی یاد ݙویندن جیڑھے …
اسپیکر قومی اسمبلی سردار ایاز دی صادق پہلگام واقعے دا ہک سال مکمل تھیوݨ تے بھارت دے کوڑے تے بیہمانہ کردار دی مذمت
اسلام آباد۔ 22 اپریل (اے پی پی) اسپیکر قومی اسمبلی سردار ایاز صادق پہلگام واقعے دا ہک سال مکمل تھیوݨ تے بھارت دے کوڑے تے بیہمانہ کردار دی مذمت کریندے آکھیے جو پہلگام واقعہ بھارت دا ہک فالس فلیگ آپریشن ہئی، اپݨی ناکامیاں تے پاکستان کوں موردِ الزام ٹھہراوݨ بھارت دا وطیرہ رہیے ۔ انھاں اپݨے بیان اچ آکھیا جو ایجھے فالس آپریشنز ایں پست ذہنیت دی یاد ݙویندن جیڑھے مکروہ مقصد دے حصول کیتے نہ صرف نہتے نشوم شہریاں دی جاناں نال کھیݙدن بلکہ علاقائی تے عالمی امن کیتے وی سنگین خطرہ ہن۔ایں کوڑے تے من گھڑت واقعے کوں بنیاد بݨا تے بھارت چھی ݙہاکیں توں قائم سندھ طاس معاہدے کوں ہک پاسوں معطل کرتے بین الاقوامی قوانین دی دھجیاں اݙائن۔ انھاں آکھیا جو پاکستان ایں معاہدے دی مسلسل خلاف ورزی دا منہ بھن جواب ݙیوݨ دا حق محفوظ رکھیندے ۔ وزیراعظم شہباز شریف پہلگام واقعے دے بعد بھارت کوں غیر جانبدارانہ تحقیقات دی پیشکش کیتی ہئی، پاکستان اڄ وی اپݨے مؤقف تے قائم اے۔ مئی 2025 اچ پاکستانی افواج دشمن دی جارحیت دا منہ بھن جواب ݙتا ہئی۔
