وزیراعظم شہباز شریف امریکہ تے ایران وچال جنگ بندی اچ توسیع تے امریکی صدر ڈونلڈ ٹرمپ دا شکریہ ادا کیتے

اسلام آباد۔ 22 اپریل (اے پی پی) وزیراعظم محمد شہباز شریف امریکہ تے ایران وچال جنگ بندی اچ توسیع تے امریکی صدر ڈونلڈ ٹرمپ دا شکریہ ادا کریندے امید ظاہر کیتی اے جو ݙوہیں فریق جنگ بندی تے عملدرآمد جاری رکھیسن تے اسلام آباد اچ تھیوݨ آلے مذاکرات دے ݙوجھے دور اچ ہک جامع ’’امن معاہدہ‘‘ تئیں پڄݨ اچ کامیاب تھیسن ۔ سماجی رابطے دی ویب سائٹ ’’ایکس‘‘ تے ہک بیان اچ وزیراعظم آکھیا جو او ذاتی حیثیت اچ تے فیلڈ مارشل سید عاصم منیر دی طرفوں صدر ٹرمپ دے مشکور ہن جنھاں پاکستان دی درخواست کوں قبول کریندے جنگ بندی اچ توسیع کیتی اے تاں جو سفارتی کوشِشاں کوں اڳوں ودھایا ونڄ سڳے۔ انھاں آکھیا جو پاکستان ݙتے ڳئے اعتماد دے پیشِ نظر جھیڑےدے مذاکراتی حل کیتے بھرپور کوشِشاں جاری رکھیسی۔