پہلگام واقعہ و آپریشن سندور قابلِ مذمت، بھارتی اشتعال انگیزیاں دے باوجود پاکستان تحمل دا مظاہرہ کیتا، سید یوسف رضا گیلانی

اسلام آباد۔ 22 اپریل (اے پی پی) چیئرمین سینیٹ سید یوسف رضا گیلانی پاکستان دے اصولی مؤقف دا اعادہ کریندے بھارت دے غیر ذمہ دارانہ طرزِ عمل، کشیدگی کوں ہوا ݙیوݨ آلی پالیسیاں تے حقائق کوں مسخ کرتے خطے اچ عدم استحکام دی ذمہ داری منتقل کرݨ دی مسلسل کوشِشاں دی شدید مذمت کیتی اے۔ پہلگام واقعے کوں ہک سال مکمل تھیوݨ تے سینیٹ سیکرٹریٹ توں جاری بیان اچ سید یوسف رضا گیلانی آکھیا جو سنگین اشتعال انگیزیاں دے باوجود پاکستان ٻہوں تحمل دا مظاہرہ کیتے تاں جو اپݨی خودمختاری تے علاقائی سالمیت دے دفاع کیتے مکمل طور تے تیار رہیے۔ انھاں ایں ڳالھ تے زور ݙتا جو پاکستان دا ردِعمل پاکستان-بھارت کشیدگی دے دوران متوازن، ذمہ دارانہ تے بین الاقوامی قانون دے عین موجب ہئی۔چیئرمین سینیٹ پاکستان دی مسلح افواج دی پیشہ ورانہ صلاحیتاں تے عزم کوں خراجِ تحسین پیش کریندے آکھیا جو انھاں دی تیاری تے دفاعی صلاحیت قومی خودمختاری دا بھرپور تحفظ کیتا تے نازک صورتحال اچ دشمن دے عزائم کوں ناکام بݨائے۔ انھاں یاد ݙوایا جو پاکستان واقعے دے فوری بعد غیر جانبدار تے شفاف تحقیقات دی پیشکش کیتی ہئی تے ایں ڳالھ تے زور ݙتا جو صرف قابلِ اعتماد تے ثبوت  تے مبنی تحقیقات ہی حقائق کوں سامݨے گھن آسڳدی اے تے کشیدگی ودھݨ توں روک سڳدی اے۔ سید یوسف رضا گیلانی آکھیا جو ذمہ دار ریاستاں ہک پاسے  فیصلے یا المناک واقعات کوں سیاسی مقاصد کیتے استعمال کائنی کریندے ۔انھاں بھارت دے مہم جوئی تے مبنی اقدامات بشمول ’’آپریشن سندور‘‘ دی شدید مذمت کریندے اینکوں غیر ذمہ دارانہ تے خطے دے امن کیتے خطرہ قرار ݙتا اے تے خبردار کیتا جو ایں طرح دے اقدامات علاقائی توازن تے امن کوں ضیان پڄیندن۔سندھ طاس معاہدے کوں نقصان پڄاوݨ دی کوشِشاں تے وی خبردار کریندے انھاں آکھیا جو ایجھے اقدامات خطرناک کشیدگی کوں پیدا کریندن تے خطے اچ استحکام تے آبی وسائل دے تحفظ کوں خطرے اچ پا سڳدن۔ پاکستان دے مؤقف دا اعادہ کریندے چیئرمین سینیٹ آکھیا جو پاکستان امن کیتے پرعزم اے تاں جو کہیں وی جارحیت یا مہم جوئی دا موثر، متناسب تے فیصلہ کن جواب ݙتا ویسی۔ انھاں آکھیا جو پاکستان اپݨی خودمختاری تے قومی مفادات دے تحفظ کیتے پرعزم اے تے خطے کوں عدم استحکام نال ݙوچار کرݨ یا عالمی سطح تے حقائق مسخ کرݨ دی ہر کوشِش دا بھرپور مقابلہ کریسی۔