اسلام آباد۔ 22 اپریل (اے پی پی) وزیراعظم محمد شہباز شریف ملک توں پولیو مکاوݨ دے عزم دا اظہار کریندے پولیو دے خلاف جنگ اچ انسدادِ پولیو ٹیم دی بھرپور کوشِشاں دی تعریف کیتی۔ وزیراعظم دفتر توں جاری بیان موجب وزیراعظم دی زیرِ صدارت انسدادِ پولیو تے اہم جائزہ اجلاس منعقد تھیا جیند اچ وفاقی وزیر اطلاعات عطاء اللہ تارڑ، وفاقی وزیر قومی صحت مصطفیٰ کمال تے ٻئے حکام شرکت …
وزیراعظم دی زیرِصدارت انسدادِ پولیو تے اہم جائزہ اجلاس
اسلام آباد۔ 22 اپریل (اے پی پی) وزیراعظم محمد شہباز شریف ملک توں پولیو مکاوݨ دے عزم دا اظہار کریندے پولیو دے خلاف جنگ اچ انسدادِ پولیو ٹیم دی بھرپور کوشِشاں دی تعریف کیتی۔ وزیراعظم دفتر توں جاری بیان موجب وزیراعظم دی زیرِ صدارت انسدادِ پولیو تے اہم جائزہ اجلاس منعقد تھیا جیند اچ وفاقی وزیر اطلاعات عطاء اللہ تارڑ، وفاقی وزیر قومی صحت مصطفیٰ کمال تے ٻئے حکام شرکت کیتی اے۔اجلاس دے شرکاء نال ڳالھ کریندے وزیراعظم آکھیا جو ملک توں پولیو دے موذی مرض دے مکمل خاتمے کیتے پرعزم ہیسے۔ اجلاس اچ بریفنگ ݙتی ڳئی جو سال 2026 دے دوران ہݨ تئیں پاکستان اچ پولیو دا صرف ہک کیس، ضلع سجاول توں رپورٹ تھئے۔ پنجاب، خیبر پختونخوا، بلوچستان، اسلام آباد، گلگت بلتستان تے آزاد جموں و کشمیر توں ایں سال ہݨ تئیں پولیو دا کوئی کیس سامݨے کائنی آیا۔ اجلاس اچ ݙسایا ڳیا جو ضلع دیرہ اسماعیل خان اچ ستمبر 2025 توں پولیو دا کوئی کیس رپورٹ کائنی تھیا۔
