اسلام آباد۔ 23 اپریل (اے پی پی) وفاقی وزیرِ داخلہ محسن نقوی نال امریکی سفیر نیٹلی بیکر اہم ملاقات کیتی اے جیند اچ خطے دی تازہ ترین صورتحال تے تفصیلی ڳالھ مہاڑ کیتی ڳئی۔ ملاقات اچ اسلام آباد مذاکرات دے ݙوجھے راؤنڈ دے انعقاد دے حوالے نال سفارتی کوشِشاں تے وی ڳالھ مہاڑ کیتی ڳئی اے۔ وزیرِ داخلہ محسن نقوی جنگ بندی اچ توسیع کیتے امریکی صدر ڈونلڈ ٹرمپ دے …
وفاقی وزیرِ داخلہ محسن نقوی نال امریکی سفیر نیٹلی بیکر دی ملاقات
اسلام آباد۔ 23 اپریل (اے پی پی) وفاقی وزیرِ داخلہ محسن نقوی نال امریکی سفیر نیٹلی بیکر اہم ملاقات کیتی اے جیند اچ خطے دی تازہ ترین صورتحال تے تفصیلی ڳالھ مہاڑ کیتی ڳئی۔ ملاقات اچ اسلام آباد مذاکرات دے ݙوجھے راؤنڈ دے انعقاد دے حوالے نال سفارتی کوشِشاں تے وی ڳالھ مہاڑ کیتی ڳئی اے۔ وزیرِ داخلہ محسن نقوی جنگ بندی اچ توسیع کیتے امریکی صدر ڈونلڈ ٹرمپ دے اقدام دی تعریف کیتی۔ملاقات اچ جھیڑے دے دیرپا حل کیتے سفارتی چینلز دے تسلسل دی لوڑھ تے زور ݙتا ڳئے۔ وزیرِ داخلہ محسن نقوی آکھیا جو صدر ڈونلڈ ٹرمپ دی طرفوں جنگ بندی اچ توسیع خوش آئند اے۔ وفاقی وزیرِ داخلہ محسن نقوی آکھیا جو وزیراعظم محمد شہباز شریف تے فیلڈ مارشل عاصم منیر مسئلے دے حل کیتے ہر سطح تے بھرپور کوشِشاں کریندے پئن، امید اے جو فریقین سفارتی تے پرامن حل کوں موقع ݙیسن ۔ نیٹلی بیکر خطے اچ قیامِ امن تے جھیڑے دے حل کیتے پاکستان دے تعمیری کردار دی تعریف کیتی۔
