اسلام آباد۔ 23 اپریل (اے پی پی) اسپیکر قومی اسمبلی سردار ایاز صادق ’’کثیرالجہتی تے امن کیتے سفارتکاری دے عالمی ݙینھ‘‘ دے موقع تے اپݨے پیغام اچ آکھیے جو اے ݙینھ عالمی برادری کوں ایں حقیقت دی یاد ݙویندے جو پائیدار امن صرف مؤثر سفارتکاری، سانجھے اعتماد تے نتیجہ خیز مذاکرات دے ذریعے ہی ممکن اے۔ موجودہ عالمی و علاقائی حالات ایں ڳالھ دے متقاضی اے ہن جو قوماں سانجھےتصادم …
پائیدارامن صرف مؤثر سفارتکاری،سانجھے اعتماد تے نتیجہ خیز مذاکرات دے ذریعے ہی ممکن اے، سردار ایاز صادق
اسلام آباد۔ 23 اپریل (اے پی پی) اسپیکر قومی اسمبلی سردار ایاز صادق ’’کثیرالجہتی تے امن کیتے سفارتکاری دے عالمی ݙینھ‘‘ دے موقع تے اپݨے پیغام اچ آکھیے جو اے ݙینھ عالمی برادری کوں ایں حقیقت دی یاد ݙویندے جو پائیدار امن صرف مؤثر سفارتکاری، سانجھے اعتماد تے نتیجہ خیز مذاکرات دے ذریعے ہی ممکن اے۔ موجودہ عالمی و علاقائی حالات ایں ڳالھ دے متقاضی اے ہن جو قوماں سانجھےتصادم دی بجائے مکالمے، برداشت تے مشترکہ حکمتِ عملی کوں ودھاراݙیون۔ قومی اسمبلی سیکرٹریٹ موجب اسپیکر قومی اسمبلی آکھیا جو پاکستان ہمیشہ عالمی سطح تے امن، استحکام تے سانجھے تعاون دے ودھارےکوں اپݨی خارجہ پالیسی دی بنیادی بنیاد بݨائے۔ انھاں آکھیا جو بدلدی عالمی صورتحال اچ ماحولیاتی تبدیلی، اقتصادی عدم استحکام تے سلامتی دے چیلنجز نال نبٹݨ کیتے ہک تکڑا کثیرالجہتی نظام ناگزیر تھی چکے۔ سردار ایاز صادق آکھیا جو مشرقِ وسطیٰ دی اڄوکی کشیدگی اچ پاکستان ہک ذمہ وار ریاست دے طور تے وقتی سفارتکاری دا رستہ اپنائے۔ انھاں وزیراعظم محمد شہباز شریف، نائب وزیراعظم اسحاق ڈار تے چیف آف ڈیفنس فورسز فیلڈ مارشل سید عاصم منیر دی مدبرانہ قیادت تے حکمتِ عملی دی تعریف کریندے آکھیا جو پاکستان فریقین وچال کشیدگی گھٹ کرݨ اچ مثبت کردار ادا کیتے۔ انھاں مزید آکھیا جو مسئلہ کشمیر تے فلسطین دا پُرامن حل خطے اچ پائیدار امن کیتے ضروری اے۔
