اسلام آباد۔ 23 اپریل (اے پی پی) پاکستان آکھیے جو ایجھے ویلھے اچ جݙاں او اپݨے بین الاقوامی شراکت داراں نال رل تے امن کیتے سفارتی کوشِشاں کریندے پئن، اے ڳالھ ٻہوں افسوسناک اے جو بھارت ہک واری ول بے بنیاد الزامات تے پروپیگنڈے دے ذریعے پہلگام واقعے کوں پاکستان نال جوڑݨ دی کوشِش کیتی اے۔دفترِ خارجہ دے ترجمان جاری بیان اچ آکھیا جو اے بدقسمتی دی ڳالھ اے جو …
بھارت ہک واری ول بے بنیاد الزام تے پروپیگنڈہ مہم دے ذریعے پہلگام واقعے کوں پاکستان نال جوڑݨ دی کوشِش کیتی اے، ترجمان دفترِ خارجہ
اسلام آباد۔ 23 اپریل (اے پی پی) پاکستان آکھیے جو ایجھے ویلھے اچ جݙاں او اپݨے بین الاقوامی شراکت داراں نال رل تے امن کیتے سفارتی کوشِشاں کریندے پئن، اے ڳالھ ٻہوں افسوسناک اے جو بھارت ہک واری ول بے بنیاد الزامات تے پروپیگنڈے دے ذریعے پہلگام واقعے کوں پاکستان نال جوڑݨ دی کوشِش کیتی اے۔دفترِ خارجہ دے ترجمان جاری بیان اچ آکھیا جو اے بدقسمتی دی ڳالھ اے جو جاری علاقائی کشیدگی دے دوران وی بھارت اپݨے تنگ نظر سیاسی مفادات کیتے پاکستان دے خلاف کوڑے بیانیے کوں ہتھیار دے طور تے استعمال کریندا پئے۔ انھاں آکھیا جو پچھلے سال اپݨے بے جا جارحانہ اقدام تے ”آپریشن بنیان مرصوص“ دی صورت اچ موثر جواب ملݨ دے بعد ایجھے الزامات دراصل بھارت دی پراݨی حکمتِ عملی دا حصہ ہن۔ بیان اچ آکھیا ڳئے جو ایجھی پروپیگنڈا مہم عالمی برادری دی توجہ بھارت دے غیر قانونی زیرِ تسلط جموں و کشمیر توں کائنی ہٹا سڳدی۔
