اسلام آباد۔ 24 اپریل (اے پی پی) وزیراعظم محمد شہباز شریف ضلع خیبراچ فتنہ الخوارج دے خلاف کامیاب کارروائی اچ 22 خارجیاں کوں ہلاک کرݨ تے سکیورٹی فورسز دی پیشہ وارانہ صلاحیتاں دی تعریف کیتی ۔ وزیراعظم دفتر دے میڈیا ونگ توں جاری بیان موجب وزیراعظم دہشت گرداں دی بلا اشتعال فائرنگ دے نتیجے اچ ݙاہ سالہ ٻال دی شہادت تے ٻہوں ݙکھ تے افسوس کیتے۔ انھاں شہید دے اہل …
وزیراعظم شہباز شریف دا ضلع خیبراچ فتنہ الخوارج دے خلاف کامیاب کارروائی تے سکیورٹی فورسز دے افسراں تے اہلکاراں کوں خراجِ تحسین
اسلام آباد۔ 24 اپریل (اے پی پی) وزیراعظم محمد شہباز شریف ضلع خیبراچ فتنہ الخوارج دے خلاف کامیاب کارروائی اچ 22 خارجیاں کوں ہلاک کرݨ تے سکیورٹی فورسز دی پیشہ وارانہ صلاحیتاں دی تعریف کیتی ۔ وزیراعظم دفتر دے میڈیا ونگ توں جاری بیان موجب وزیراعظم دہشت گرداں دی بلا اشتعال فائرنگ دے نتیجے اچ ݙاہ سالہ ٻال دی شہادت تے ٻہوں ݙکھ تے افسوس کیتے۔ انھاں شہید دے اہل خانہ کیتے صبر تے ہمت دی دعا کیتی اے۔وزیراعظم دہشت گرداں دے ایں گندے فعل دی مذمت کریندے دہشت گردی دے ملک توں مکمل خاتمے تئیں ایندے خلاف جنگ جاری رکھݨ دے عزم دا اعادہ کیتے ۔ انھاں آکھیا جو بزدل دہشت گرداں دا اپݨے بچاؤ کیتے بلا اشتعال فائرنگ نال ٻال کوں شہید کرݨ انسانیت دے خلاف ہک ناقابل تلافی جرم اے۔ دہشت گردی دے خلاف جنگ اچ میں سودھے پوری قوم سکیورٹی فورسز دے رلے کھڑی اے
