ضلع خیبراچ مشترکہ انٹیلی جنس تے مبنی آپریشن اچ 22 خوارج کوں ہلاک کر ݙتا ڳئے، آئی ایس پی آر

اسلام آباد۔ 24 اپریل (اے پی پی) سکیورٹی فورسز تے قانون نافذ کرݨ آلے اداریں دی طرفوں ضلع خیبر اچ خوارج دی موجودگی دی اطلاع تے 21 اپریل 2026 کوں ہک مشترکہ انٹیلی جنس تے مبنی آپریشن کیتا ڳئے ۔ آئی ایس پی آر موجب آپریشن دے دوران شدید فائرنگ دے تبادلے اچ ہندوستان دے اسپانسرڈ فتنہ الخوارج نال تعلق رکھݨ آلے 22 خوارج کوں جہنم واصل کر ݙتا ڳئے۔ بزدل دشمن زندہ وٹھئے ونڄݨ دے ݙر توں اندھا دھند فائرنگ کیتی جیندے نتیجے اچ ݙاہ سال دا نشوم ٻال شہید تھی ڳئے۔ ہلاک تھیوݨ آلے بھارتی اسپانسر شدہ خوارج توں اسلحہ تے گولہ بارود وی برآمد تھئے، جیڑھا علاقے اچ ٻہوں دہشت گردی دیاں کارروائیاں اچ استعمال تھی سڳدا ہئی۔ سکیورٹی فورسز تے قانون نافذ کرݨ الے اداریں دی طرفوں علاقے اچ پاتے ونڄݨ آلے ٻئے خارجیاں کوں ختم کرݨ کیتے سینی ٹائزیشن آپریشن کیتا ویندا پئے تاں جو ملک اچ غیر ملکی دہشت گردی دی لعنت کوں ختم کیتا ونڄ سڳے۔