اسلام آباد۔ 24 اپریل (اے پی پی) نائب وزیراعظم تے وزیرِ خارجہ سینیٹر محمد اسحاق ڈار کوں ایران دے وزیرِ خارجہ عباس عراقچی دی طرفوں ٹیلیفون کال موصول تھئی اے۔ دفترِ خارجہ موجب ڳالھ مہاڑ دے دوران فریقین خطے اچ جاری صورتحال، جنگ بندی تے امریکہ و ایران وچال جاری سفارتی رابطیں دے تناظر اچ اسلام آباد دی طرفوں کیتی ونڄݨ آلی سفارتی کوشِشاں تے ڳالھ مہاڑ کیتی ڳئی۔ نائب …
نائب وزیراعظم اسحاق ڈار نال ایران دے وزیرِ خارجہ دی ٹیلیفون تے ڳالھ مہاڑ، خطے دی صورتحال، جنگ بندی تے پاکستان دی سفارتی کوشِشاں تے ڳالھ مُہاڑ
اسلام آباد۔ 24 اپریل (اے پی پی) نائب وزیراعظم تے وزیرِ خارجہ سینیٹر محمد اسحاق ڈار کوں ایران دے وزیرِ خارجہ عباس عراقچی دی طرفوں ٹیلیفون کال موصول تھئی اے۔ دفترِ خارجہ موجب ڳالھ مہاڑ دے دوران فریقین خطے اچ جاری صورتحال، جنگ بندی تے امریکہ و ایران وچال جاری سفارتی رابطیں دے تناظر اچ اسلام آباد دی طرفوں کیتی ونڄݨ آلی سفارتی کوشِشاں تے ڳالھ مہاڑ کیتی ڳئی۔ نائب وزیراعظم علاقائی امن تے استحکام کوں وقتی اڳوں ودھاوݨ سانڳے مسئلیں کوں حل کرݨ کیتے ڳالھ مہاڑ دے تسلسل تے موثر رابطے دی اہمیت تے زور ݙتے تاں جو خطے اچ وقتی امن کوں ودھارا مل سڳے ۔ ایران دے وزیرِخارجہ عباس عراقچی ایں سلسلے اچ پاکستان دے مستقل تے تعمیری سہولت کاری دے کردار دی تعریف کیتی۔ ݙوہیں رہنماواں سانجھے نیڑے رابطے اچ رہݨ تے اتفاق کیتے۔
