پاکستان علاقائی تے بین الاقوامی امن و سلامتی کیتے ڳالھ مہاڑ تے سفارت کاری دے رستے کوں ودھارا ݙیندا پئے، وزیرِاعظم شہباز شریف

اسلام آباد۔ 24 اپریل (اے پی پی) وزیرِ اعظم محمد شہباز شریف اقوامِ متحدہ دے چارٹر دے اصولاں موجب مذاکرات و تعاون دے ودھارے تے جھیڑیں دے پرامن حل کیتے غیر متزلزل عزم دا اعادہ کریندے آکھیے جو پاکستان علاقائی تے بین الاقوامی امن و سلامتی کیتے ڳالھ مہاڑ تے سفارت کاری دے رستے کوں ودھارا ݙیندا پئے، خطے اچ پاکستان دی ثالثی دی کوشِشاں انھاں اصولاں دی آئینہ دار ہن۔وزیراعظم دفتردے میڈیا ونگ توں کثیرالجہتی تے سفارت کاری دے ذریعے امن دے عالمی ݙینھ دے موقع تے جاری پیغام اچ وزیراعظم آکھیا جو کثیرالجہتی تے سفارت کاری برائے امن دے عالمی ݙینھ دے موقع تے حکومتِ پاکستان اقوامِ متحدہ دے چارٹر دے اصولاں موجب مذاکرات، تعاون تے جھیڑیں دے پرامن حل کیتے اپݨے غیر متزلزل عزم دا اعادہ کریندے، ایجھے ویلھے اچ جݙاں عالمی برادری کوں اوکھے سکیورٹی چیلنجز دا سامݨا اے، پاکستان علاقائی تے بین الاقوامی امن و سلامتی کیتے ڳالھ مہاڑ تے سفارت کاری دے رستے کوں ودھاراݙیندا پئے۔ انھاں آکھیا جو خطے اچ پاکستان دی ثالثی دی جاری کوشِشاں انھاں اصولاں تے قائم ہن، پاکستان اقوامِ متحدہ دے چارٹر دے نال اپݨی مستقل وابستگی، امن دی خواہش تے بین الاقوامی تعاون دی رہنمائی اچ اختلافات مُکاوݨ تے علاقائی و بین الاقوامی امن تے ہم آہنگی کوں ودھارا ݙیوݨ کیتے تعمیری کردار ادا کریندا رہسی۔