اسلام آباد۔ 25 اپریل (اے پی پی) نائب وزیرِاعظم / وزیرِ خارجہ اسحاق ڈار دی زیرِ صدارت اجلاس اچ خطے دی تازہ ترین صورتحال دا جائزہ ڳھدا ڳئے ۔ اجلاس اچ انھاں ایں ڳالھ دا اعادہ کیتا جو پاکستان خطے تے ایندے توں ٻاہر امن و استحکام دے حصول کیتے ایران تے امریکہ وچال مذاکرات اچ سہولت کاری کریندا پئے تے پاکستان ایں سلسلے اچ اپݨی کوشِشاں جاری رکھیسی ۔ …
نائب وزیرِاعظم محمد اسحاق ڈار دی صدارت اچ اجلاس، خطے دی تازہ ترین صورتحال دا جائزہ
اسلام آباد۔ 25 اپریل (اے پی پی) نائب وزیرِاعظم / وزیرِ خارجہ اسحاق ڈار دی زیرِ صدارت اجلاس اچ خطے دی تازہ ترین صورتحال دا جائزہ ڳھدا ڳئے ۔ اجلاس اچ انھاں ایں ڳالھ دا اعادہ کیتا جو پاکستان خطے تے ایندے توں ٻاہر امن و استحکام دے حصول کیتے ایران تے امریکہ وچال مذاکرات اچ سہولت کاری کریندا پئے تے پاکستان ایں سلسلے اچ اپݨی کوشِشاں جاری رکھیسی ۔ دفترِ خارجہ توں جاری ہک بیان موجب انھاں مزید واضح کیتا جو ایران-امریکہ سہولت کاری دے عمل متعلق پاکستان دی سرکاری پالیسی اوہا اے جیڑھی صرف سرکاری ذرائع توں جاری کیتی ویندی اے۔ کہیں وی غیر نامزد پاکستانی عہدیدار یا ذرائع دے بیانات، بھاویں او پرنٹ میڈیا اچ ہوون یا سوشل میڈیا تے، پاکستان دے سرکاری موقف دی عکاسی کائنی کریندے۔ انھاں پرنٹ تے الیکٹرانک میڈیا کوں مشورہ ݙتا جو قیاس آرائیاں تے مبنی رپورٹنگ توں گریز کرن تے صرف سرکاری بیاناں تے توجہ ݙیون۔
