اسلام آباد/لندن۔ 25 اپریل (اے پی پی) وفاقی وزیر سرمایہ کاری بورڈ قیصر احمد شیخ دے اعزاز اچ لندن اچ پاکستانی بزنس کمیونٹی دی طرفوں ہک شاندار استقبالیہ تقریب دا انعقاد کیتا ڳئے۔ تقریب اچ پاکستانی نژاد کاروباری شخصیات، سرمایہ کاراں، پیشہ ور لوک تے مختلف شعبہ جات نال تعلق رکھݨ آلی نمایاں شخصیات شرکت کیتی اے۔ اے تقریب اوورسیز پاکستانیاں دی وطن دے نال تکڑی وابستگی تے پاکستان دی …
لندن اچ پاکستانی بزنس کمیونٹی دی طرفوں وفاقی وزیر قیصر احمد شیخ دے اعزاز اچ شاندار استقبالیہ
اسلام آباد/لندن۔ 25 اپریل (اے پی پی) وفاقی وزیر سرمایہ کاری بورڈ قیصر احمد شیخ دے اعزاز اچ لندن اچ پاکستانی بزنس کمیونٹی دی طرفوں ہک شاندار استقبالیہ تقریب دا انعقاد کیتا ڳئے۔ تقریب اچ پاکستانی نژاد کاروباری شخصیات، سرمایہ کاراں، پیشہ ور لوک تے مختلف شعبہ جات نال تعلق رکھݨ آلی نمایاں شخصیات شرکت کیتی اے۔ اے تقریب اوورسیز پاکستانیاں دی وطن دے نال تکڑی وابستگی تے پاکستان دی معاشی ترقی اچ کردار ادا کرݨ دے عزم کوں ظاہر کریندی اے۔سرمایہ کاری بورڈ توں جاری اعلامیہ موجب ایں موقع تے وفاقی وزیر ٻاہرلے ملک مقیم پاکستانی بزنس کمیونٹی دے کردار دی تعریف کریندے آکھیے جو او پاکستان دی معیشت کوں عالمی سطح تے تکڑا بݨاوݨ اچ اہم کردار ادا کریندے پئن۔ انھاں حکومت دی سرمایہ کار دوست پالیسیاں کوں نشابر کریندے ٻاہرلی سرمایہ کاری دے ودھارے، کاروباری آسانیاں اچ بہتری تے بین الاقوامی شراکت داری دے ودھارے دے عزم دا اعادہ کیتے ۔ وفاقی وزیر آکھیے جو پاکستان عالمی مالیاتی اداریں تے سرمایہ کاراں دے نال فعال رابطے استوار کریندا پئے تاں جو سرمایہ کاری دے موقع کوں ودھارا ݙتا ونڄ سڳے ۔ انھاں مزید آکھیے جو اوورسیز پاکستانی ملک تے عالمی کاروباری برادری وچال ہک تکڑے پُل دی حیثیت رکھیندن۔
