اسلام آباد۔ 26 اپریل(اے پی پی) صدرِ مملکت آصف علی زرداری چرنوبل دے ایٹمی حادثے دی 40 ویں برسی دے موقع تے عالمی برادری تے زور ݙتے جو او جوہری تحفظ تے سلامتی دے اعلیٰ ترین معیاراں کوں یقینی بݨاوے تاں جو انسانیت کوں ایجھے سانحے توں محفوظ رکھیا ونڄ سڳے۔ ایوانِ صدر دے پریس ونگ توں جاری بیان دے مطابق صدرِ مملکت آکھیے جو جوہری حادثیں دے اثرات کہیں …
چرنوبل ایٹمی حادثہ عالمی تاریخ دا ہک ٻہوں وݙا سانحہ ہئی ،عالمی برادری جوہری تحفظ تے سلامتی دے اعلیٰ ترین معیاراں کوں یقینی بݨاوے، صدرِ مملکت آصف علی زرداری
اسلام آباد۔ 26 اپریل(اے پی پی) صدرِ مملکت آصف علی زرداری چرنوبل دے ایٹمی حادثے دی 40 ویں برسی دے موقع تے عالمی برادری تے زور ݙتے جو او جوہری تحفظ تے سلامتی دے اعلیٰ ترین معیاراں کوں یقینی بݨاوے تاں جو انسانیت کوں ایجھے سانحے توں محفوظ رکھیا ونڄ سڳے۔ ایوانِ صدر دے پریس ونگ توں جاری بیان دے مطابق صدرِ مملکت آکھیے جو جوہری حادثیں دے اثرات کہیں ہک علاقے یا نسل تئیں محدود کائنی رہندے بلکہ کئی ݙھاکیں تئیں جاری رہ سڳدن۔انھاں ایں ڳالھ تے وی زور ݙتے جو چرنوبل دے بعد دی صورتحال بین الاقوامی تعاون دی اہمیت کوں واضح کیتے۔ صدرِ مملکت آصف علی زرداری آکھیے جو ایں سانحے توں حاصل تھیوݨ آلے سبق واضح ہن جو جوہری تحفظ محض تکنیکی معاملہ کائنی بلکہ ایندے کیتے سخت نگرانی تے اعلیٰ درجے دی ذمہ داری دی لوڑھ اے۔ انھاں خبردار کیتے جو جوہری تنصیبات اچ کہیں وی قسم دی غفلت دے اثرات ٻہوں ودھ تھی سڳدن۔ انھاں آکھیے جو ایجھے حادثے عام شہریاں کیتے شدید مشکلات دا باعث بݨدن، جنھاں اچ زرعی زمیناں دا کاشت دے لائق نہ رہݨ، خوراک تے پاݨی دی قلت، تے صحت دے مسئلے شامل ہن۔انھاں ایں عزم دا اعادہ کیتے جو پاکستان ایٹمی تحفظ دے عالمی معیاراں تے سختی نال قائم اے۔ 1986 اچ تھیوݨ آلا چرنوبل ایٹمی حادثہ عالمی تاریخ دا ہک اہم سانحہ ہئی جیندے نتیجے اچ تابکاری دا کھنڈݨ بیلاروس، یوکرین تے روس سودھے وݙے علاقیں تئیں پُڄا ہئی ، اے ݙینھ اساکوں تابکاری دے ݙو رس اثرات کوں تسلیم کرݨ دی یاد ݙویندے
