عالمی جھیڑیں دا حل پیٹرول دیاں قیمتاں کوں مستقل طور تے قابو اچ رکھݨ ٻہوں ضروری اے، وفاقی وزیرعلی پرویز ملک

اسلام آباد۔ 26 اپریل (اے پی پی) وفاقی وزیرِ پیٹرولیم علی پرویز ملک ایں ڳالھ تے زور ݙتے جو عالمی جھیڑیں دا حل کڈھݨ پیٹرول دی قیمتاں کوں مستقل طور تے قابو اچ رکھݨ سانڳے ضروری اے۔ پاکستان اچ ایندھن ݙیوݨ محفوظ اے۔ ایندے برعکس بھارت اچ شہریاں کوں پیٹرول پمپس تے لمبیاں قطاراں تے قلت دا سامݨا کرݨاں پئے۔ ہک مقامی نیوز چینل نال ڳالھ کریندے علی پرویز ملک آکھیے جو ایندھن دیاں قیمتاں کوں مستحکم رکھݨ تے مارکیٹ اچ توازن برقرار رکھݨ سانڳے کوشِشاں جاری ہن۔انھاں زور ݙتے جو عالمی جھیڑیں پاروں معاشی دٻاؤ دا شکار بھارت وانڳوں کئی ملکاں دے مقابلے اچ پاکستان دی صورتحال نسبتاً بہتر اے۔ انھاں وزیراعظم، فیلڈ مارشل تے نائب وزیراعظم دی قیادت دی تعریف کریندے انھاں دے فعال اقدامات دی تعریف کیتی اے۔ انھاں آکھیے جو پاکستان دا آئی ایم ایف دے نال ہک معاہدہ اے جیندی پاسداری ضروری اے۔ انھاں اعتماد دا اظہار کیتے جو حکمتِ عملی اچ تبدیلیاں، جیند اچ ڈیزل دے استعمال کوں گھٹ کر تے اوکوں پیٹرول دی طرف منتقل کرݨ شامل اے، ایندھن دی دستیابی کوں بہتر بݨاوݨ اچ مددگار ثابت تھئی اے۔ہک سوال دے جواب اچ انھاں آکھیا جو پاکستان اپݨے اندر تیل یا پیٹرول پیدا کائنی کریندا تے اپݨی ضرورتاں سانڳے درآمدات تے انحصار کریندے۔ انھاں مزید نشاندہی کیتی اے جو پیٹرول دیاں قیمتاں تے مستقل کنٹرول دا تعلق عالمی جھیڑیں دے حل نال اے، خاص طور تے امریکہ تے ایران وچال کشیدگی نال جیڑھی جو عالمی تیل دی منڈی کوں متاثر کریندی اے۔