حکومت ایچ آئی وی دے پھیلاؤ دی روک تھام، سکریننگ تے علاج دی سہولتاں کوں بئیا بہتر ٻݨاوݨ کیتے اقدامات جاری رکھیسی، وفاقی وزیر مصطفیٰ کمال دی پریس کانفرنس

اسلام آباد۔28 اپریل (اے پی پی) وفاقی وزیر برائے قومی صحت سید مصطفیٰ کمال آکھیا جو حکومت ایچ آئی وی دے پھیلاؤ دی روک تھام، سکریننگ اچ اضافہ تے علاج دی سہولتاں کوں بئیا بہتر ٻݨاوݨ کیتے اقدامات جاری رکھیسی۔ ایچ آئی وی لاعلاج مرض نئیں، ویلھے سر علاج نال مریض نارمل زندگی گزار سگدے، اللہ تعالیٰ پاکستان کوں ٻہوں عزت بخشی اے اتے اڄ دا پاکستان ݙو مہینے پہلے دے پاکستان توں مختلف اے۔ انہاں ایں کامیابی تے وزیراعظم شہباز شریف، فیلڈ مارشل سید عاصم منیر تے نائب وزیراعظم اسحاق ڈار کوں مبارکباد پیش کیتی۔ پریس کانفرنس اچ انھاں ݙسایا جو 2024-26 پروگرام دے تحت پاکستان کیتے 65 ملین امریکی ڈالر مختص کیتے ڳئے جنہاں اچوں صرف 3.9 ملین ڈالر حکومت کوں ملیے جڈانجو 61.1 ملین ڈالر یو این ڈی پی تے ہک نجی این جی او کوں ݙتے ڳئے۔ انھاں آکھیا جو این جی اوز معلومات ڈیوݨ توں انکار کریندی پئن۔ اعداد و شمار دے مطابق 2025 اچ ٹیسٹاں دی تعداد ودھا تے 3 لکھ 74 ہزار توں زیادہ کیتی ڳئی جیندے اچوں 14 ہزار 182 کیسز مثبت آئے۔ ملک اچ رجسٹرڈ کیسز 84 ہزار ہن جنہاں اچوں 61 ہزار زیرِ علاج ہن۔ انھاں آکھیا جو تونسہ اچ ایں سال کوئی نواں کیس رپورٹ نئیں تھیا جڈانجو اسلام آباد اچ 618 کیسز رجسٹرڈ ہن جنہاں اچوں زیادہ تر ٻئے علاقیاں توں ریفر تھی تے آئن۔