اعلیٰ تعلیم دا فروغ، تحقیق تے جدت دی حوصلہ افزائی تے نینگر نسل کوں جدید تقاضیاں نال ہم آہنگ کرݨ قومی ترقی، معاشی استحکام تے روشن مستقبل دی ضمانت اے، سید یوسف رضا گیلانی

اسلام آباد۔28 اپریل (اے پی پی) قائم مقام صدر سید یوسف رضا گیلانی آکھیا جو اعلیٰ تعلیم دا فروغ، تحقیق تے جدت دی حوصلہ افزائی تے نوجوان نسل کوں جدید تقاضیاں نال ہم آہنگ کرݨ قومی ترقی، معاشی استحکام تے روشن مستقبل دی ضمانت اے، جامعات محض تدریسی مراکز کائنی بلکہ فکری رہنمائی، قومی تعمیر، سائنسی ترقی تے معاشرتی ودھارے دے مراکز ہن جیڑھے پاکستان کوں علم تے مبنی معیشت دے پاسے گھن ونجݨ اچ بنیادی کردار ادا کر سگدن۔ اے ڳالھیں انہاں لاہور اچ مختلف جامعات دے وائس چانسلرز نال ملاقات دے دوران کیتا۔ ملاقات کرݨ آلیاں اچ پنجاب یونیورسٹی، ملتان یونیورسٹی آف سائنس اینڈ ٹیکنالوجی تے یونیورسٹی آف ویٹرنری اینڈ اینیمل سائنسز دے وائس چانسلرز شامل ہن۔ قائم مقام صدر سید یوسف رضا گیلانی ایں موقع تے آکھیا جو تیزی نال بدلدی ہوئی عالمی صورتحال اچ ضروری اے جو اعلیٰ تعلیمی ادارے روایتی تدریس توں اگاں ودھ تے تحقیق، تنقیدی سوچ تے مہارت ودھاوݨ تے خاص توجہ ݙیون تانجو نوجوان نسل کوں مستقبل دے تقاضیاں مطابق تیار کیتا ونڄ سڳے۔ انہاں آکھیا جو جامعات کوں قومی ترقی دے اہداف دے نال ہم آہنگ کریندیں ہوئیں سماجی و اقتصادی چیلنجاں دے حل اچ وی فعال کردار ادا کرݨا ہوسی۔ ملاقات اچ وائس چانسلرز نصاب دی جدید خطوط تے تشکیل، اساتذہ دی استعداد ودھاوݨ تے صنعت تے جامعات دے درمیان رابطے ودھاوݨ تے زور ݙتا۔ قائم مقام صدر آکھیا جو پاکستان دا مستقبل علم تے تحقیق نال جڑیا ہویا اے اتے جامعات ایں قومی پندھ اچ قائدانہ کردار ادا کریسن۔