سپیکر قومی اسمبلی سردار ایاز صادق دی فتح-II میزائل دے کامیاب تجربے تے مسلح افواج، سائنسداناں تے قوم کوں مبارکباد

اسلام آباد۔28 اپریل (اے پی پی) سپیکر قومی اسمبلی سردار ایاز صادق فتح-II میزائل دے کامیاب تجربے تے مسلح افواج، سائنسداناں، انجینئرز تے قوم کوں مبارکباد ݙتی اے۔ منگل کوں آپݨے تہنیتی سنیھے اچ انہاں آکھیا جو فتح-II میزائل دا کامیاب تجربہ جدید تکنیکی مہارت تے دفاعی خود انحصاری دا واضح مظہر اے۔ انہاں آکھیا جو فتح سیریز دے میزائلاں دے کامیاب تجربے پاکستان دے دفاع کوں ناقابلِ تسخیر ٻݨاوݨ آلے پاسے ہک اہم سنگِ میل ہن۔ انہاں پاکستانی سائنسداناں دی انتھک محنت کوں سراہیا تے آکھیا جو پوری قوم انھاں دے پیشہ ورانہ عزم دی معترف اے۔