قائم مقام صدر سید یوسف رضا گیلانی دی فتح-II میزائل سسٹم دے کامیاب تجربے تے مسلح افواج تے پوری قوم کوں مبارکباد

اسلام آباد۔28 اپریل (اے پی پی) قائم مقام صدر سید یوسف رضا گیلانی پاکستان آرمی سٹریٹیجک فورسز کمانڈ دی جانب توں مقامی طور تے تیار کیتے ڳئے فتح-II میزائل سسٹم دے کامیاب تجربے تے مسلح افواج تے پوری قوم کوں مبارکباد پیش کیتی اے۔ سینیٹ سیکرٹریٹ ولوں جاری بیان دے مطابق انہاں ایں تجربے کوں ہک اہم سنگِ میل قرار ݙیندیں ہوئیں آکھیا جو اے پاکستان دی دفاعی صلاحیت اچ اضافے تے جدید عسکری ٹیکنالوجی اچ خود انحصاری دی جانب اہم پیش رفت دی عکاسی کریندے۔ قائم مقام صدر میزائل سسٹم دی درستی تے جدید ہدف بندی دی خصوصیات کوں سراہیا اتے آکھیا جو اے نظام پاکستان دے دفاعی ڈھانچے کوں بئیا تگڑا بنڑیندے۔ انہاں ایں کامیابی دے پچھوں کم کرݨ آلے افسراں، انجینئرز تے ماہرین دی پیشہ ورانہ مہارت دی تعریف کیتی۔