اسلام آباد۔ 29 اپریل (اے پی پی) وفاقی وزیرِ قومی ورثہ اتے ثقافت ڈویژن اورنگزیب خان کھچی نال پاکستان اچ روسی فیڈریشن دے سفیر البرٹ پی خوریف بدھ کوں ملاقات کیتی جئیں اچ پاکستان تے روس وچال ثقافتی تعاون دے ودھارے تے ڳالھ مہاڑ تھئی ۔ وفاقی وزیر آکھیا جو عوامی رابطیاں کیتے فن، موسیقی، فلم تے ورثے دے شعبیاں اچ سانجھے اقدامات ٻہوں ضروری ہن۔ انہاں روسی فنکاراں تے …
وفاقی وزیر اورنگزیب خان کھچی نال روسی سفیر البرٹ پی خوریف دی ملاقات
مزید خبراں
اسلام آباد۔ 29 اپریل (اے پی پی) وفاقی وزیرِ قومی ورثہ اتے ثقافت ڈویژن اورنگزیب خان کھچی نال پاکستان اچ روسی فیڈریشن دے سفیر البرٹ پی خوریف بدھ کوں ملاقات کیتی جئیں اچ پاکستان تے روس وچال ثقافتی تعاون دے ودھارے تے ڳالھ مہاڑ تھئی ۔ وفاقی وزیر آکھیا جو عوامی رابطیاں کیتے فن، موسیقی، فلم تے ورثے دے شعبیاں اچ سانجھے اقدامات ٻہوں ضروری ہن۔ انہاں روسی فنکاراں تے موسیقاراں کوں پاکستان آوݨ دی دعوت ݙتی تانجو او آپݨے فن دا مظاہرہ کر سڳن۔ وفاقی وزیر آکھیا جو لوک ورثہ تے پی این سی اے (PNCA) روسی ثقافتی سرگرمیاں کیتے بہترین پلیٹ فارم ہن۔ روسی سفیر البرٹ پی خوریف وفاقی وزیر کوں اسلام آباد اچ تھیوݨ آلی روس دے قومی ݙینہہ دی تقریب اچ شرکت دی دعوت ݙتی۔ انہاں ݙسایا جو کئی روسی فلماں تیار تھی چکیاں ہن جنھاں کوں اردو اچ ڈب وی کیتا ڳئے، انہاں تجویز ݙتی جو پاکستان اچ “روسی ہفتہ” منایا ونڄے جئیں اچ فلماں تے دستاویزی پروگرام پیش کیتے ونڄن۔ ملاقات دے آخر اچ ݙوہیں پاسوں ایں عزم دا اعادہ کیتا ڳیا جو پاکستان تے روس دے ثقافتی تعلقات کوں ٻیا مضبوط بݨایا تھیسی۔
