مظفرگڑھ۔ 29 اپریل (اے پی پی) کوٹ ادو اچ تیز رفتار ٹرک دی ٹکر نال موٹر سائیکل سوار پیؤ ڈوہیں دِھیریں سودھا جاں بحق تھی ڳیا۔ ریسکیو ذرائع دے مطابق کوٹ ادو دے تھانہ سنانواں دی حدود اچ گرمانی اڈا دے نیڑے ہک افسوسناک ٹریفک حادثہ پیش تھیا جئیں اچ ݙو طالبات سمیت ترائے بندے جاں بحق تھی ڳئے۔ جاں بحق تھیوݨ آلا پیؤ آپݨی ٻالڑیاں کوں موٹر سائیکل تے …
کوٹ ادو وچ تیز رفتار ٹرک دی ٹکر نال موٹر سائیکل سوار پیؤ ڈوہیں دھیریں سودھا جاں بحق
مزید خبراں
مظفرگڑھ۔ 29 اپریل (اے پی پی) کوٹ ادو اچ تیز رفتار ٹرک دی ٹکر نال موٹر سائیکل سوار پیؤ ڈوہیں دِھیریں سودھا جاں بحق تھی ڳیا۔ ریسکیو ذرائع دے مطابق کوٹ ادو دے تھانہ سنانواں دی حدود اچ گرمانی اڈا دے نیڑے ہک افسوسناک ٹریفک حادثہ پیش تھیا جئیں اچ ݙو طالبات سمیت ترائے بندے جاں بحق تھی ڳئے۔ جاں بحق تھیوݨ آلا پیؤ آپݨی ٻالڑیاں کوں موٹر سائیکل تے کالج چھوڑݨ ویندا پیا ہئی جو تیز رفتار ٹرک دی ٹکر نال موٹر سائیکل بے قابو تھی کراہیں ٹرک دے تلے آ کراہیں کچلی ڳئی، ترائیں بندے موقع تے جاں بحق تھی ڳئے۔ ٻالڑیاں فرسٹ ایئر تے سیکنڈ ایئر دی طالبات ہن، جنھاں دی سنڄاݨ 16 سالہ معظمہ تے 17 سالہ وجیہہ دے ناں توں تھئی اے جݙاں جو پیؤ دی سنڄاݨ مومن شاہ دے ناں توں تھئی اے۔ پولیس ترجمان دے مطابق آر پی او ڈیرہ غازی خان ڈویژن اظہر اکرم واقعے دا سخت نوٹس ڳھندے ہوئیں ڈی پی او کوٹ ادو توں تفصیلی رپورٹ منگ ڳھدی اے۔ انہاں قیمتی انسانی جاناں دے ضیان ݙکھ دا اظہار کریندیں ہوئیں واقعے دے ذمہ دار ڈرائیور دے خلاف سخت قانونی کارروائی دا حکم ݙتے۔ ڈی پی او کوٹ ادو دے حکم تے ڈرائیور کوں گرفتار کراہیں ٹرک کوں پولیس تحویل اچ گھن ڳھدا ڳئے۔
