راولپنڈی۔ 30 اپریل (اے پی پی) صدر آصف علی زرداری ایں عزم دا اعادہ کیتے جو پاکستان ہک مضبوط، متوازن تے قابلِ اعتماد دفاعی صلاحیت برقرار رکھݨ کیتے پرعزم اے، پاکستان آپݨی خودمختاری دے دفاع، سمندری مفادات دے تحفظ تے آپݨی اقتصادی شاہراہواں دی سلامتی یقینی بݨاوݨ دی مکمل صلاحیت رکھیندے۔ انہاں اے ڳالھ پہلی ہنگور کلاس آبدوز، پی این ایس/ایم ہنگور دی کمیشننگ تقریب نال خطاب کریندیں ہوئیں آکھیا …
پاکستان آپݨی خودمختاری دے دفاع، سمندری مفادات دے تحفظ، اقتصادی شاہراہواں دی سلامتی یقینی بݨاوݨ دی مکمل صلاحیت رکھیندے، صدر آصف علی زرداری دا پہلی ہنگور کلاس آبدوز دی کمیشننگ تقریب نال خطاب
مزید خبراں
راولپنڈی۔ 30 اپریل (اے پی پی) صدر آصف علی زرداری ایں عزم دا اعادہ کیتے جو پاکستان ہک مضبوط، متوازن تے قابلِ اعتماد دفاعی صلاحیت برقرار رکھݨ کیتے پرعزم اے، پاکستان آپݨی خودمختاری دے دفاع، سمندری مفادات دے تحفظ تے آپݨی اقتصادی شاہراہواں دی سلامتی یقینی بݨاوݨ دی مکمل صلاحیت رکھیندے۔ انہاں اے ڳالھ پہلی ہنگور کلاس آبدوز، پی این ایس/ایم ہنگور دی کمیشننگ تقریب نال خطاب کریندیں ہوئیں آکھیا جیڑی جو چین دے شہر سانیا اچ تھئی۔ خمیس کوں آئی ایس پی آر توں جاری بیان دے مطابق صدر آصف علی زرداری تقریب اچ بطور مہمانِ خصوصی شرکت کیتی، جݙاں جو پاک بحریہ دے سربراہ ایڈمرل نوید اشرف وی ایں موقع تے موجود ہن۔ صدر آصف علی زرداری ہنگور دی کمیشننگ کوں پاک بحریہ دی جدید کاری اچ ہک تاریخی سنگِ میل قرار ݙیندیں ہوئیں ایں عزم دا اعادہ کیتا جو پاکستان ہک مضبوط، متوازن تے قابلِ اعتماد دفاعی صلاحیت برقرار رکھݨ کیتے پرعزم اے۔ انہاں آکھیا جو پاکستان آپݨی خودمختاری دے دفاع، سمندری مفادات دے تحفظ تے اپنی اقتصادی شاہراہواں دی سلامتی یقینی بݨاوݨ دی مکمل صلاحیت رکھیندے۔ پاک بحریہ دے سربراہ آکھیا جو اہم سمندری گزرگاہواں اچ رکاوٹاں عالمی تجارت تے توانائی دے تحفظ کیتے ودھدا ہویا خطرہ ہن، تے ہک مستحکم، اصولاں تے مبنی بحری نظام دے قیام کیتے جدید ٹیکنالوجی نال لیس بحری افواج ناگزیر ہن۔ انہاں آکھیا جو ہنگور کلاس آبدوزاں، جیڑھی جو جدید ترین ہتھیاراں، جدید سینسرز تے ایئر انڈیپنڈنٹ پروپلشن نال لیس ہن، خطے اچ بحری استحکام تے نظم و ضبط برقرار رکھݨ اچ کلیدی کردار ادا کریسن۔ اے آبدوزاں بحیرہ عرب تے وسیع تر بحرِ ہند اچ اہم سمندری رستیاں دی حفاظت تے جارحیت دے سدِ باب اچ اہم کردار ادا کریسن۔ نیول چیف ایں ڳالھ تے وی زور ݙتا جو “ہنگور” دا ناں اساݙی قومی تاریخ اچ ہک نمایاں مقام رکھیندے۔ 1971 اچ، سابقہ ہنگور آبدوز ݙوجھی جنگِ عظیم دے بعد پہلی واری کہیں جنگی جہاز کوں غرق کیتا ہئی۔ پی این ایس/ایم ہنگور ایں شاندار روایت کوں اڳوں ودھیسی اتے اے پاک بحریہ کیتے ہک اہم سنگِ میل اے جیڑھا اساݙی بحری دفاعی صلاحیت کوں مضبوط تے بیڑے کوں جدید ٹیکنالوجی نال لیس کریسی۔ پہلی ہنگور کلاس آبدوز دی کمیشننگ پاکستان تے چین وچال پراݨی تے مضبوط دوستی دا ہک ٻیا باب اے۔ تقریب اچ پاک بحریہ تے پی ایل اے (نیوی) دے اعلیٰ حکام شرکت کیتی۔ وزیراعظم محمد شہباز شریف اتے آرمی چیف تے چیف آف ڈیفنس فورسز سید عاصم منیر ایں تاریخی کامیابی تے پوری قوم تے پاک بحریہ کوں مبارکباد پیش کیتی۔
