اسلام آباد۔ 30 اپریل (اے پی پی) ترجمان دفترِ خارجہ طاہر حسین اندرابی آکھیا جو جنوبی وزیرستان اچ افغانستان توں 26 تے 29 اپریل کوں بلا اشتعال فائرنگ تے گولہ باری کیتی ڳئی جئیں نال تریمتیں تے ٻالاں سمیت ٻہوں سارے لوک زخمی تھئن جݙاں جو رہائشی مکاناں کوں وی نقصان پڄیے۔ خمیس کوں ہفتہ وار پریس بریفنگ اچ انہاں آکھیا جو افغان فورسز ولوں شہری آبادی کوں نشانہ بݨایا …
جنوبی وزیرستان اچ افغانستان توں بلا اشتعال فائرنگ تے گولہ باری پاروں تریمتیں تے ٻالاں سمیت ٻہوں سارے لوک زخمی تھئن، ترجمان دفترِ خارجہ
مزید خبراں
اسلام آباد۔ 30 اپریل (اے پی پی) ترجمان دفترِ خارجہ طاہر حسین اندرابی آکھیا جو جنوبی وزیرستان اچ افغانستان توں 26 تے 29 اپریل کوں بلا اشتعال فائرنگ تے گولہ باری کیتی ڳئی جئیں نال تریمتیں تے ٻالاں سمیت ٻہوں سارے لوک زخمی تھئن جݙاں جو رہائشی مکاناں کوں وی نقصان پڄیے۔ خمیس کوں ہفتہ وار پریس بریفنگ اچ انہاں آکھیا جو افغان فورسز ولوں شہری آبادی کوں نشانہ بݨایا گئے۔ مقامی قبائلی وݙیریاں تے رہائشیاں ایں واقعے تے تشویش دا اظہار کیتے اتے مطالبہ کیتے جو اینکوں فوراً بند کیتا ونڄے۔ ترجمان انھاں حملیاں دی مذمت کیتی تے آکھیا جو متاثرہ خانداناں نال پوری ہمدردی اے اتے انھاں دی مدد کیتے ہر ممکن قدم چاتا ویندا پئے۔
