اسلام آباد۔ 30 اپریل (اے پی پی) وزیراعظم محمد شہباز شریف اڄوکی صورتحال کوں ݙیکھدیں ہوئیں معاشی طور تے کمزور طبقے کوں ریلیف دی فراہمی دے تسلسل کوں قائم رکھݨ دا فیصلہ کریندے ہوئیں موٹر سائیکل سواراں، پبلک تے گڈز ٹرانسپورٹ کیتے گزریل مہینے ݙتی ونڄݨ آلی سبسڈی اچ ہک مہینے دی توسیع دا فیصلہ کیتے اتے ہدایت کیتی اے جو پبلک ٹرانسپورٹ تے مال بردار گاݙیاں دے کرایاں اچ …
وزیراعظم دا معاشی طور تے کمزور طبقے کوں ریلیف دی فراہمی دے تسلسل کوں قائم رکھݨ دا فیصلہ، سبسڈی اچ ہک مہینے دی توسیع
مزید خبراں
اسلام آباد۔ 30 اپریل (اے پی پی) وزیراعظم محمد شہباز شریف اڄوکی صورتحال کوں ݙیکھدیں ہوئیں معاشی طور تے کمزور طبقے کوں ریلیف دی فراہمی دے تسلسل کوں قائم رکھݨ دا فیصلہ کریندے ہوئیں موٹر سائیکل سواراں، پبلک تے گڈز ٹرانسپورٹ کیتے گزریل مہینے ݙتی ونڄݨ آلی سبسڈی اچ ہک مہینے دی توسیع دا فیصلہ کیتے اتے ہدایت کیتی اے جو پبلک ٹرانسپورٹ تے مال بردار گاݙیاں دے کرایاں اچ اضافے کوں روکیا ونڄے، عوامی ریلیف دے اقدامات دی موثر نگرانی یقینی بݨائی ونڄے تانجو ایندے ثمرات براہِ راست مستحق بندیاں تئیں پڄ سڳن۔ وزیراعظم آفس دے میڈیا ونگ توں خمیس کوں جاری بیان دے مطابق وزیراعظم آکھیا جو وفاقی حکومت صوبائی حکومتاں دے تعاون نال مشکل حالات اچ عام آدمی کیتے ارباں روپے دا قومی ریلیف پیکیج فراہم کیتا، انھاں حالات اچ جتنا ممکن تھی سڳیا عوام کوں ریلیف فراہم کریندے رہسوں۔ انہاں آکھیا جو عام آدمی کوں ریلیف ݙیوݨ حکومت دی پہلی ترجیح اے اتے کہیں وی صورت عوام کوں کلہا نہ چھوڑیا ویسی۔ انہاں دعا کیتی جو خطے دی صورتحال اچ جلد بہتری آوے تانجو پٹرولیم مصنوعات دی قیمتوں اچ استحکام آ سڳے۔
