اسلام آباد۔ 1 مئی (اے پی پی) وفاقی وزیر سائنس تے ٹیکنالوجی خالد حسین مگسی یونیسیف دے اعلیٰ سطح دے وفد نال ملاقات کیتی۔ ملاقات اچ ملک اچ ماواں تے ٻالاں دی صحت تے سیسے (Lead) دے خطرناک اثرات تے گہری تشویش دا اظہار کیتا ڳیا۔ وفاقی وزیر خالد مگسی ایں موقع تے آکھیا جو سیسے دی آلودگی ہک سنگین عوامی صحت دا مسئلہ اے، جیندے نال خاص طور تے …
وفاقی وزیر سائنس تے ٹیکنالوجی خالد حسین مگسی دی یونیسیف دے اعلیٰ سطح دے وفد نال ملاقات
مزید خبراں
اسلام آباد۔ 1 مئی (اے پی پی) وفاقی وزیر سائنس تے ٹیکنالوجی خالد حسین مگسی یونیسیف دے اعلیٰ سطح دے وفد نال ملاقات کیتی۔ ملاقات اچ ملک اچ ماواں تے ٻالاں دی صحت تے سیسے (Lead) دے خطرناک اثرات تے گہری تشویش دا اظہار کیتا ڳیا۔ وفاقی وزیر خالد مگسی ایں موقع تے آکھیا جو سیسے دی آلودگی ہک سنگین عوامی صحت دا مسئلہ اے، جیندے نال خاص طور تے ٻالاں دی ذہنی تے جسمانی نشونما ٻہوں زیادہ متاثر تھی سڳدی اے۔ انہاں ایں چیلنج نال نبڑݨ کیتے مؤثر حکومتی حکمتِ عملی تے سخت ریگولیٹری اقدامات دی فوری ضرورت تے زور ݙتا۔ اجلاس اچ پی سی ایس آئی آر کراچی اچ جدید لیڈ فری ٹیسٹنگ لیبارٹری دے قیام دی تجویز تے تفصیلی غور کیتا ڳیا، تانجو صنعتی تے صارف مصنوعات اچ سیسے دی موجودگی دی مؤثر جانچ ممکن بݨائی ونڄ سڳے۔ ایندے نال نال لاہور، کوئٹہ تے پشاور اچ ایں لیبارٹری دے ذیلی مراکز قائم کرݨ دی تجویز وی زیرِ بحث آئی، تانجو پورے ملک اچ ایں سہولت دی دستیابی یقینی بݨائی ونڄ سڳے۔ ایں توں علاوہ پاکستان اسٹینڈرڈز اینڈ کوالٹی کنٹرول اتھارٹی دے تحت پینٹس (رنگ و روغن)، کاسمیٹکس تے خوراک اچ سیسے دی حد دے متعلق قوانین کوں ٻیا سخت بݨاوݨ تے وی غور کیتا گیا۔ اجلاس اچ ایں ڳالھ تے اتفاق کیتا ڳیا جو صنعتی شعبے اچ سیسے دے استعمال دی مؤثر نگرانی ٻہوں ضروری اے تانجو انسانی صحت کوں لڳݨ آلے خطرات کوں گھٹ کیتا ونڄ سڳے۔ اجلاس دے چھیکڑ تے وفاقی وزیر ایں پیش رس کوں پاکستان کوں سیسے توں پاک تے محفوظ مستقبل دی طرف ہک اہم سنگِ میل قرار ݙیندیں ہوئیں آکھیا جو حکومت، بین الاقوامی اداریاں تے سائنسی تنظیماں دے باہمی تعاون نال ایں چیلنج دا مؤثر حل لبھیا ونڄ سڳدے۔
