اسلام آباد۔ 1 مئی (اے پی پی) صدرِ مملکت آصف علی زرداری پاکستانی تے چینی اداریاں وچال ہک جوائنٹ وینچر معاہدے تے ڈو مفاہمتی یادداشتاں تے دستخط دی تقریب اچ شرکت کیتی، اے معاہدے تعمیراتی مشینری، مال ڈوھور دی صحت تے طبی ٹیکنالوجی دے شعبیاں دا احاطہ کریندے ، انھاں سرگرمیاں دا مقصد اہم شعبیاں اچ عملی تعاون کوں فروغ ݙیوݨ اے۔ ایوانِ صدر دے پریس ونگ توں جاری بیان …
صدرِ مملکت آصف علی زرداری دی پاکستان تے چین دے اداریاں وچال ڈو مفاہمتی یادداشتاں تے معاہدے تے دستخط دی تقریب اچ شرکت
مزید خبراں
اسلام آباد۔ 1 مئی (اے پی پی) صدرِ مملکت آصف علی زرداری پاکستانی تے چینی اداریاں وچال ہک جوائنٹ وینچر معاہدے تے ڈو مفاہمتی یادداشتاں تے دستخط دی تقریب اچ شرکت کیتی، اے معاہدے تعمیراتی مشینری، مال ڈوھور دی صحت تے طبی ٹیکنالوجی دے شعبیاں دا احاطہ کریندے ، انھاں سرگرمیاں دا مقصد اہم شعبیاں اچ عملی تعاون کوں فروغ ݙیوݨ اے۔ ایوانِ صدر دے پریس ونگ توں جاری بیان دے مطابق الحسن ٹریڈ اسٹیبلشمنٹ، سانی انٹرنیشنل ڈویلپمنٹ تے ہینان جیا لونگ انٹرنیشنل ٹیکنالوجی وچال اعلیٰ معیار دے آلات، مینوفیکچرنگ تے تعمیراتی مشینری دے شعبیاں اچ تعاون کیتے ہک مفاہمتی یادداشت تے دستخط کیتے ڳئے۔ اے سہ فریقی تعاون پاک-چین اقتصادی راہداری (سی پیک) نال جڑے کماں دی مدد، تعمیراتی مشینری دی فراہمی، پیشہ ورانہ تربیتی نظام دی ترقی تے فروخت دے بعد سروسز ݙیوݨ تے مرکوز اے۔ فریقین پاکستان اچ فیکٹریاں لاوݨ کیتے سرمایہ کاری دے موقعیاں دا وی جائزہ گھنسن اتے تعمیراتی مشینری دی مقامی سطح تے پیداوار کوں ودھیسن۔ مفاہمتی یادداشت تے سینیٹر سلیم مانڈوی والا، سانی گروپ دے نائب صدر لی چن تے ہینان جیالونگ انٹرنیشنل ٹریڈ کمپنی دے چیئرمین ہاؤ جیا لونگ دستخط کیتے۔ حکومتِ سندھ دے محکمہ لائیو سٹاک تے فشریز تے چین دے لوویانگ ماڈرن بایولوجی گروپ وچال پاکستان اچ حیوانی ویکسینز بشمول منہ کھر دی بیماری دی ویکسین دی فراہمی تے تقسیم کیتے ہک مشترکہ منصوبے دا معاہدہ تھیا۔ معاہدے اچ ٹیکنالوجی دے تبادلے تے پاکستان اچ جانوراں کیتے ٹریک اینڈ ٹریس سسٹم متعارف کراوݨ دے حوالے نال مستقبل اچ تعاون دی شق وی شامل اے۔ معاہدے تے سندھ دے سینئر صوبائی وزیر شرجیل انعام میمن تے لوویانگ ماڈرن بایولوجی گروپ دے چیئرمین وانگ شانپو دستخط کیتے۔ ہک ٻئی مفاہمتی یادداشت ڈاکٹر ضیاء الدین ہسپتال تے شینزن وی بانگ ٹیکنالوجی وچال طبی ٹیکنالوجی دے شعبے اچ تعاون کیتے طے تھئی۔ اے مفاہمت کلینیکل میڈیسن اچ میڈیکل انٹیلیجنٹ روبوٹس دے جدید استعمال تے مرکوز اے جیندے نال پاکستان دے طبی نظام کوں مدد ملسی۔ مفاہمتی یادداشت تے ڈاکٹر انوپ کمار داوانی تے مسٹر ڈینگ ہائی تاؤ دستخط کیتے۔ ایں موقع تے پاکستان تے چین دی 75 سالہ دوستی تے مبنی ہک دستاویزی فلم وی ݙکھائی ڳئی۔ تقریب اچ سید قاسم نوید قمر، علی حسن بروہی تے خلیل ہاشمی وی موجود ہن۔
