اسلام آباد۔ 1 مئی (اے پی پی) وفاقی وزیرِ داخلہ محسن نقوی ایف آئی اے ہیڈ کوارٹرز دا دورہ کیتا جتھاں انہاں ہیڈ کوارٹرز تے ایف آئی اے اکیڈمی اچ جاری اپ گریڈیشن منصوبیاں تے کم دی رفتار دا جائزہ ڳھدا۔ جاری پریس ریلیز دے مطابق دورے دے دوران وزیرِ داخلہ تعمیراتی تے جدید طرز تے بݨائے ونڄݨ آلے کماں دا معائنہ کیتا اتے ہدایت کیتی جو سارے کم اعلیٰ …
وزیرِ داخلہ محسن نقوی دا ایف آئی اے ہیڈ کوارٹرز دا دورہ، اپ گریڈیشن منصوبیاں تے پیش رفت دا جائزہ ڳھدا
مزید خبراں
اسلام آباد۔ 1 مئی (اے پی پی) وفاقی وزیرِ داخلہ محسن نقوی ایف آئی اے ہیڈ کوارٹرز دا دورہ کیتا جتھاں انہاں ہیڈ کوارٹرز تے ایف آئی اے اکیڈمی اچ جاری اپ گریڈیشن منصوبیاں تے کم دی رفتار دا جائزہ ڳھدا۔ جاری پریس ریلیز دے مطابق دورے دے دوران وزیرِ داخلہ تعمیراتی تے جدید طرز تے بݨائے ونڄݨ آلے کماں دا معائنہ کیتا اتے ہدایت کیتی جو سارے کم اعلیٰ معیار کوں برقرار رکھیندیں ہوئیں جلدی مکمل کیتے ونڄن۔ڈی جی ایف آئی اے ڈاکٹر عثمان انور وزیرِ داخلہ کوں اپ گریڈیشن منصوبے تے تفصیلی بریفنگ ݙتی۔ بعد اچ محسن نقوی ایف آئی اے ہیڈ کوارٹرز اچ ہک اجلاس دی صدارت کیتی، جیندے اچ ایف آئی اے کوں ٻیا موثر، فعال تے عوام دوست ادارہ بݨاوݨ کیتے اصلاحات دا جائزہ ڳھدا ڳیا۔ انہاں آکھیا جو سال دے چھیکڑ تئیں ایف آئی اے کوں جدید تقاضیاں دے مطابق ادارہ بݨاوݨ حکومت دی پہلی ترجیح اے۔ محسن نقوی آکھیا جو ادارے دی کم کرݨ دی صلاحیت کوں مضبوط بݨاوݨ کیتے انفراسٹرکچر، ٹیکنالوجی اتے انسانی وسائل اچ بہتری گھن آئی ویندی پئی اے، جݙݨ جو نویں بھرتی دے سارے مرحلیاں اچ میرٹ تے شفافیت کوں یقینی بݨایا ونڄے۔ ایں موقع تے چیف کمشنر اسلام آباد، آئی جی اسلام آباد پولیس تے ٻئے اعلیٰ حکام وی موجود ہن۔
