اسلام آباد۔ 1 مئی (اے پی پی) وفاقی وزیر اطلاعات تے نشریات عطاء اللہ تارڑ آکھیا جو معرکہ حق اچ پاکستان دی جنگی، سفارتی تے بیانیہ دے محاذ تے فتح تاقیامت یاد رکھی ویسی، معرکہ حق اچ کامیابی نال پاکستان دا وقار بلند تھیے، قوم آپݨی مسلح افواج دے نال کھڑی اے۔ اے ڳالھیں انہاں جمعہ کوں لوک ورثہ اچ وزارت اطلاعات و نشریات تے وزارت قومی ورثہ و ثقافت …
معرکہ حق اچ پاکستان دی فتح تاقیامت یاد رکھی ویسی، وفاقی وزیر اطلاعات عطاء اللہ تارڑ دا خطاب
مزید خبراں
اسلام آباد۔ 1 مئی (اے پی پی) وفاقی وزیر اطلاعات تے نشریات عطاء اللہ تارڑ آکھیا جو معرکہ حق اچ پاکستان دی جنگی، سفارتی تے بیانیہ دے محاذ تے فتح تاقیامت یاد رکھی ویسی، معرکہ حق اچ کامیابی نال پاکستان دا وقار بلند تھیے، قوم آپݨی مسلح افواج دے نال کھڑی اے۔ اے ڳالھیں انہاں جمعہ کوں لوک ورثہ اچ وزارت اطلاعات و نشریات تے وزارت قومی ورثہ و ثقافت ولوں معرکہ حق دی کامیابی دا ہک سال مکمل تھیوݨ تے تھیوݨ آلی تقریب نال خطاب کریندیں ہوئیں کیتا۔ ایں موقع تے وفاقی سیکرٹری اطلاعات تے نشریات اشفاق احمد خلیل وی موجود ہن۔ وفاقی وزیر اطلاعات آکھیا جو معرکہ حق تے آپریشن بنیان مرصوص نال منسوب تقریب اچ شرکت میݙے کیتے اعزاز دی ڳالھ اے۔ انہاں آکھیا جو آپریشن بنیان مرصوص تے معرکہ حق تاریخ دا رخ موڑ ݙتے، مئی اچ ایں عظیم فتح کوں ہک سال مکمل تھی ڳئے جیڑی اللہ تعالیٰ آپݨے فضل تے کرم نال پاکستانی قوم کوں عطا فرمائی۔ انہاں آکھیا جو اج دی تقریب اچ ٻالاں دا جوش و جذبہ ݙیکھ کراہیں خوشی تھئی اے جیڑے آپݨے شہدا کوں خراجِ عقیدت پیش کرݨ تے آپݨی افواجِ پاکستان دی عظیم قربانیاں کوں یاد کرݨ تے آپریشن بنیان مرصوص دی فتح دا جشن مناوݨ آئن۔ انہاں ٻالاں دا جذبہ ݙیکھ کراہیں یقین تھی گئے جو پاکستان دا مستقبل محفوظ ہتھاں اچ اے۔ وفاقی وزیر اطلاعات آکھیا جو پاکستان کوں مملکتِ خداداد ایں کیتے آکھیا ویندے جو اے اللہ تعالیٰ دا انعام اے۔ انہاں آکھیا جو اساݙے بزرگاں بے شمار قربانیاں دے بعد اے ملک حاصل کیتا۔ جیڑا خواب علامہ محمد اقبال ݙٹھا ہئی، اوکوں قائداعظم محمد علی جناح عملی جامہ پوایا اتے اج اساں آزاد فضاواں اچ ساہ گھندے پئیوں۔ انہاں آکھیا جو اساݙے دشمن کوں اساݙی اے آزادی نئی بھاندی، ایں کیتے او مسلسل سازشاں کریندا رہندے۔ انہاں آکھیا جو پچھلے سال مئی وچ جݙݨ پہلگام دا فالس فلیگ آپریشن کیتا ڳیا تاں پاکستان ݙو ٹوک موقف اختیار کیتا تے پوری دنیا کوں ݙسایا جو اساں ایں واقعے دی تحقیقات کیتے تیار ہیسے۔انہاں آکھیا جو چیف آف ڈیفنس فورسز فیلڈ مارشل سید عاصم منیر جئیں انداز اچ جنگی حکمتِ عملی بݨائی، اوندے تحت پاکستان نہ صرف آپݨا موثر دفاع کیتا بلکہ بھارت دے کئی جہاز وی سٹ ݙتے جیڑے ملبے دا ڈھیر بݨ ڳئے۔ انہاں آکھیا جو پوری دنیا ݙٹھا جو جݙݨ فتح میزائل دشمن دی دفاعی تنصیبات تے لگا تاں چند گھنٹیاں اچ ای ٹی وی سکریناں تے ٻہہ کراہیں وݙے دعوے کرݨ آلے بھارتی نمائندیاں دے چہرے مرجھا ڳئے۔ بھارت گھٹنے ٹیکݨ تے مجبور تھیا اتے آکھیا جو اساں جنگ نئی چاہندے۔ وفاقی وزیر اطلاعات ایں موقع تے علامہ اقبال دے کجھ شعر وی پڑھے:
”یہ غازی یہ تیرے پر اسرار بندے
جنہیں تو نے بخشا ہے ذوق خدائی
دو نیم ان کی ٹھوکر سے صحرا و دریا
سمٹ کر پہاڑ ان کی ہیبت سے رائی“
ایندے توں پہلے تقریب دا آغاز قومی ترانے نال تھیا تے قاری عطاء الرحمن تلاوت کیتی۔ ایں موقع تے وفاقی وزیر عطاء اللہ تارڑ تے سیکرٹری اطلاعات اشفاق احمد خلیل ٻالاں دے نال کینڈل لائیٹ ویجل (شمعاں روشن کرݨ) اچ وی شامل تھئے۔
