اسلام آباد۔ 2 مئی (اے پی پی) وفاقی وزیر برائے قومی ورثہ تے ثقافت اورنگزیب خان کھچی وزیراعلیٰ پنجاب مریم نواز شریف دی قیادت اچ پنجاب حکومت دی ثقافتی پالیسیاں تے سارے مذاہب دے لوکاں کوں مذہبی آزادی ݙیوݨ دے اقدامات کوں سراہیا ۔ پی ٹی وی نیوز نال ڳالھ مہاڑ کریندیں ہوئیں انہاں آکھیا جو پنجاب اچ ثقافتی ورثے دے تحفظ تے مذہبی آزادی دے فروغ کیتے مخلصانہ کوششاں …
پنجاب حکومت ثقافتی روابط تے مذہبی آزادی کیتے عالمی ماڈل بݨ کراہیں ابھری اے، اورنگزیب کھچی
مزید خبراں
اسلام آباد۔ 2 مئی (اے پی پی) وفاقی وزیر برائے قومی ورثہ تے ثقافت اورنگزیب خان کھچی وزیراعلیٰ پنجاب مریم نواز شریف دی قیادت اچ پنجاب حکومت دی ثقافتی پالیسیاں تے سارے مذاہب دے لوکاں کوں مذہبی آزادی ݙیوݨ دے اقدامات کوں سراہیا ۔ پی ٹی وی نیوز نال ڳالھ مہاڑ کریندیں ہوئیں انہاں آکھیا جو پنجاب اچ ثقافتی ورثے دے تحفظ تے مذہبی آزادی دے فروغ کیتے مخلصانہ کوششاں کیتی ویندی پئن، جینکوں عالمی سطح تے منیا ویندا پئے۔ انہاں آکھیا جو وراثتی جاہیں دی حفاظت تے بین المذاہب ہم آہنگی کیتے فنڈز تے ادارہ جاتی مدد فراہم کیتی ڳئی اے۔ وفاقی وزیر آکھیا جو ایں سال بیساکھی دی تقریباں اچ غیر ملکی سفیر شرکت کریندے پئن، جیڑا پاکستان اچ مذہبی ہم آہنگی دا ثبوت اے۔ انہاں امید ظاہر کیتی جو ایں طرح دے اقدامات نال ملک اچ مذہبی سیاحت اچ اضافہ تھیسی۔
