اسلام آباد۔ 2 مئی (اے پی پی) ترجمان دفترِ خارجہ آکھیا جو پاک-افغان سرحد تے تھیوݨ آلی صورتحال دے متعلق برطانوی خصوصی نمائندے دی سوشل میڈیا پوسٹ یکطرفہ ریمارکس ہن تے او سرحدی صورتحال دی گہرائی توں واقف کائنی۔ افغان طالبان ولوں بلا اشتعال سرحد پار حملیاں تے انھاں دی حمایت یافتہ بھارتی پراکسیاں دی دہشت گردی دے نتیجے اچ 52 شہری شہید اتے 84 زخمی تھئن۔ ترجمان طاہر اندرابی …
برطانوی خصوصی نمائندے دی سوشل میڈیا پوسٹ یکطرفہ ریمارکس ہن، سرحدی صورتحال دی سمجھ ٻوجھ توں عاری اے، ترجمان دفترِ خارجہ
مزید خبراں
اسلام آباد۔ 2 مئی (اے پی پی) ترجمان دفترِ خارجہ آکھیا جو پاک-افغان سرحد تے تھیوݨ آلی صورتحال دے متعلق برطانوی خصوصی نمائندے دی سوشل میڈیا پوسٹ یکطرفہ ریمارکس ہن تے او سرحدی صورتحال دی گہرائی توں واقف کائنی۔ افغان طالبان ولوں بلا اشتعال سرحد پار حملیاں تے انھاں دی حمایت یافتہ بھارتی پراکسیاں دی دہشت گردی دے نتیجے اچ 52 شہری شہید اتے 84 زخمی تھئن۔ ترجمان طاہر اندرابی آکھیا جو افغانستان ولوں دراندازی دی کوششاں مارچ 2026 اچ اعلان کردہ عارضی وقفے دے باوجود جاری ہن۔ پاکستان صبر دا مظاہرہ کیتے پر ضرورت پووݨ تے موثر جواب وی ݙتے، جیندے اچ دہشت گرداں دے ٹھکاݨیاں کوں نشانہ بݨایا ڳئے۔ ترجمان آکھیا جو شہری ہلاکتاں دے افغان دعوے بے بنیاد ہن۔ ایں طرح دے غیر ضروری بیانات، جنھاں اچ دہشت گردی دی اصل وجوہات کوں نظر انداز کیتا ونڄے، درست کائنی۔ اساں ایں ڳالھ تے زور ݙیندوں جو علاقائی صورتحال تے دہشت گردی دے خلاف پاکستان دی قربانیاں کوں بہتر طریقے نال سمجھیا ونڄے۔
