وزیراعظم شہباز شریف دی لائن لاسز اچ ڳھٹکی گھن آوݨ تے بجلی چوری دے خاتمے کیتے سخت اقدامات جاری رکھݨ دی ہدایت

لاہور۔ 2 مئی (اے پی پی) وزیراعظم محمد شہباز شریف بجلی دی ترسیل دے نظام اچ بہتری دے ذریعے لائن لاسز اچ ڳھٹکی گھن آوݨ تے بجلی چوری مکاوݨ کیتے سخت اقدامات جاری رکھݨ دی ہدایت کیتی اے‏۔ ہفتہ کوں وزیراعظم دی زیرِ صدارت توانائی دے شعبے اچ اصلاحات دے حوالے نال اجلاس تھیا‏۔ اجلاس اچ نائب وزیراعظم اسحاق ڈار، وفاقی وزراء محمد اورنگزیب، احد خان چیمہ، عطاء اللہ تارڑ، سردار اویس لغاری، علی پرویز ملک تے ٻئے اعلیٰ افسراں شرکت کیتی‏۔ وزیراعظم کوں گھریلو صارفین تے صنعت کیتے بجلی دی کھپت دے حوالے نال سفارشات پیش کیتی ڳیاں‏۔ وزیراعظم آکھیا جو بجلی دے صنعتی تے گھریلو صارفین کیتے سہولتاں پیدا کیتی ونڄن، لائن لاسز گھٹ کیتے ونڄن تے ملک اچ توانائی دی ڳھٹکی پوری کرݨ کیتے “قابلِ تجدید توانائی” (Renewable Energy) دے منصوبیاں کوں ودھایا ونڄے‏۔ انہاں صارفین کیتے بل بھرݨ اچ آسانی پیدا کرݨ کیتے ڈیجیٹل سہولتاں تے وی زور ݙتا‏۔ انہاں آکھیا جو بجلی چوری دے خاتمے کیتے اقدامات جاری رکھیے ونڄن کیونجو توانائی دے شعبے اچ اصلاحات عوام تے صنعت دے مفاد کوں سامݨے رکھ کراہیں کیتی ویسن‏۔