اسلام آباد۔ 5 مئی(اے پی پی) وفاقی وزیر مذہبی امور سردار محمد یوسف آکھیے جو معرکہ حق اچ کامیابی تے پوری قوم اللہ تعالی دی شکر گزار اے جو اللہ پاکستان کوں ازلی دشمن تے فتح ݙتی، ایں کامیابی دے بعد پاکستان پوری دنیا دے امن کیتے اپݨا کردار ادا کریندا پئے۔ معرکہ حق دا ہک سال مکمل تھیوݨ تے وزارتِ مذہبی امور ولوں ہک تقریب تھئی جیندے اچ علماء …
معرکہ حق اچ بے مثال جرأت، کامیابی اتے افواجِ پاکستان کوں خراجِ تحسین پیش کریندے ہیں، وفاقی وزیر سردار محمد یوسف
مزید خبراں
اسلام آباد۔ 5 مئی(اے پی پی) وفاقی وزیر مذہبی امور سردار محمد یوسف آکھیے جو معرکہ حق اچ کامیابی تے پوری قوم اللہ تعالی دی شکر گزار اے جو اللہ پاکستان کوں ازلی دشمن تے فتح ݙتی، ایں کامیابی دے بعد پاکستان پوری دنیا دے امن کیتے اپݨا کردار ادا کریندا پئے۔ معرکہ حق دا ہک سال مکمل تھیوݨ تے وزارتِ مذہبی امور ولوں ہک تقریب تھئی جیندے اچ علماء کرام اتے مشائخ عظام شرکت کیتی۔ کانفرنس نال خطاب اچ وفاقی وزیر سردار محمد یوسف آکھیا جو علماء و مشائخ کونسل پورے ملک اچ کم کریندی پئی اے، اساں ایں اجلاس اچ معرکہ حق اچ بے مثال جرأت اتے کامیابی تے افواجِ پاکستان کوں خراجِ تحسین پیش کریندے ہیں، معرکہ حق اچ افواجِ پاکستان جیویں تکڑا ولدا ݙتے او تاریخ اچ لکھیا ڳئے۔ انہاں آکھیا جو علماء کرام ملک اچ یکجہتی کیتے جیڑھا کردار ادا کریندے پئن او جاری رہسی۔ انہاں آکھیا جو میں علماء کرام دا مشکور ہاں جنہاں نہ صرف بھرپور ساتھ ݙتا ٻھل رہنمائی وی کیتی، دنیا اچ امن قائم کرݨ کیتے پاکستان دے ثالثی دے کردار دا ڄڳ معترف اے، وزیر اعظم محمد شہباز شریف، فیلڈ مارشل سید عاصم منیر اتے نائب وزیر اعظم و وزیر خارجہ محمد اسحاق ڈار دیاں سفارتی کامیابیاں اپݨی مثال آپ ہین۔
