وزیر اعظم محمد شہباز شریف دا بحیرہ عرب اچ کامیاب امدادی کارروائی تے پاک بحریہ کوں خراجِ تحسین

اسلام آباد۔ 5 مئی (اے پی پی): وزیر اعظم محمد شہباز شریف بحیرہ عرب اچ کامیاب امدادی کارروائی تے پاک بحریہ کوں خراجِ تحسین پیش کریندے آکھیے جو پاکستان نیوی ہک واری ول پیشہ ورانہ مہارت تے انسانی ہمدردی دی اعلیٰ مثال قائم کیتی اے۔ وزیر اعظم آفس دے میڈیا ونگ ولوں منگل کوں جاری بیان دے مطابق وزیر اعظم آکھیا جو پاکستان نیوی آف شور جہاز ایم وی گوتم دی ہنگامی کال تے فوری تے مؤثر ردِعمل ڈتا، اے جہاز عمان توں بھارت ویندے ہوئیں فنی خرابی  پاروں سمندر اچ پھس گیا ہئی، جہاز اچ ست بندے سوار ہن جنہاں اچ چھی بھارتی اتے ہک انڈونیشین شہری ہئی۔ وزیر اعظم آکھیا جو پاک بحریہ اپݨا جہاز “کشمیر” امدادی مشن کیتے روانہ کیتا تے متاثرہ عملے کوں خوراک، طبی امداد تے تکنیکی معاونت ݙتی، امدادی کارروائی دے ذریعے جہاز دے ضروری نظام دی بحالی تے عملے دی حفاظت یقینی ٻݨائی گئی۔ وزیر اعظم آکھیا جو پاکستان سمندری سلامتی اتے انسانی ذمہ داریاں دی ادائیگی کیتے عالمی سطح تے ہک ذمہ دار ریاست دے طور تے کردار ادا کریندا پئے، پاکستان نیوی ہر قسم دی ہنگامی صورتحال نال نبڑݨ کیتے ہر ویلھے تیار اے۔