عالمِ اسلام نال تعمیری رابطیاں کیتے پرعزم ہیں: صدر آصف علی زرداری

اسلام آباد۔6 مئی(اے پی پی) صدر مملکت آصف علی زرداری آکھیے جو پاکستان باہمی احترام اتے سانجھے مقاصد دی بنیاد تے عالمِ اسلام نال تعمیری رابطیاں کیتے پوری طرح پرعزم اے۔ انہاں اے ڳالھ ایوانِ صدر اچ تھیوݨ آلی “چھیویں بین الاقوامی پیغامِ اسلام کانفرنس” دے چھیکڑی سیشن نال خطاب اچ آکھی۔ کانفرنس اچ وفاقی وزیر مذہبی امور سردار محمد یوسف، چیئرمین پاکستان علماء کونسل حافظ طاہر محمود اشرفی، سابق وزیراعظم راجہ پرویز اشرف، سینیٹر سلیم مانڈوی والا اتے سعودی عرب سودھا مختلف اسلامی ملکاں دے سفیراں اتے علماء کرام شرکت کیتی۔ صدرِ مملکت خاص طور تے فلسطین دے مفتیِ اعظم محمد احمد حسین تے سعودی مشیر دا خیرمقدم کیتا۔ صدر آکھیا جو ایں ویلے ساڈا خطہ تے پوری دنیا کئی چیلنجز دا شکار اے، ایں سانگے اینجھی کانفرنساں ضروری اے۔ انہاں مغربی ایشیا دے بحران دا ذکر کریندے ہوئیں آکھیا جو جاری کشیدگی نال صرف سرحداں متاثر نی تھیندیاں ٻھل پورے عالمِ اسلام دا معاشی استحکام تے تحفظ وی متاثر تھیندے۔ انتہا پسندی اتے فرقہ واریت ساڈے معاشرے کوں نقصان پچاعے، اسلام توازن، اعتدال تے انسانیت دا دین اے، قرآن پاک ساکوں سکھیندے جو ہک انسان دی جان بچاوݨ پوری انسانیت کوں بچاوݨ دے برابر اے۔ تقریب نال وفاقی وزیر سردار محمد یوسف، حافظ طاہر اشرفی، فلسطین دے مفتیِ اعظم وی خطاب کیتے اتے دعا کیتی جو ہک ݙینہہ اینجھی کانفرنس مسجدِ اقصیٰ اچ وی تھیسی۔ سعودی سفیر نواف بن سعید المالکی وی مسئلہ فلسطین کوں عالمِ اسلام دا مرکزی مسئلہ قرار ڈتا۔ تقریب دے چھیکڑ اچ صدرِ مملکت کوں سعودی عرب اتے فلسطین دے وفود ولوں یادگاری تحائف وی پیش کیتے گئے۔