وزیرِ اعظم شہباز شریف دی گورنر اتے نگران وزیرِ اعلیٰ گلگت بلتستان نال ملاقات

گلگت۔ 7 مئی(اے پی پی)وزیرِ اعظم محمد شہباز شریف گلگت بلتستان دے ہک ݙینھ دے دورے تے گلگت پڄین۔ گلگت ایئرپورٹ تے گورنر سید مہدی شاہ اتے نگران وزیرِ اعلیٰ جسٹس (ر) یار محمد وزیراعظم دا استقبال کیتا۔

وفاقی وزراء احسن اقبال، اویس لغاری، عطا اللہ تارڑ، امیر مقام، عبدالعلیم خان، خالد مقبول صدیقی اتے مشیر رانا ثناء اللہ وی انہاں دے نال ہن۔ وزیراعظم دی گورنر اتے نگران وزیراعلیٰ نال انڄھ انڄھ ملاقات تھئی جیندے اچ ترقیاتی منصوبیاں، امن و امان دی صورتحال اتے ٻئے صوبائی معاملیاں تے ڳالھ مہاڑ کیتی ڳئی۔