بھارت نال “معرکہ حق” اچ حکومت سچائی کوں ڄڳ تئیں پچاوݨ کیتے سارے وسائل ورتین، وفاقی وزیر اطلاعات عطا اللہ تارڑ دا ویبینار نال خطاب

اسلام آباد ۔ 7 مئی(اے پی پی)وفاقی وزیر اطلاعات و نشریات عطا اللہ تارڑ آکھیے جو سول اتے عسکری قیادت وچال تکڑے روابط، جڑت اتے معلومات دی ویلھے سر رسائی سودھا میڈیا دے ذمہ دارانہ کردار بھارت دے خلاف “معرکہ حق” اچ پاکستان کوں فیک نیوز (کوڑیاں خبراں) دا مقابلہ کرݨ کیتے وݙا ہتھ ونݙاعے۔ انہان اے ڳالھ معرکہ حق بارے اسلام آباد اچ تھیوݨ آلے ویبنیار نال خطان کریندے آکھی۔ انہاں آکھیا جو سرحدی کشیدگی ویلھے حکومت سچائی کوں دنیا تئیں پچاوݨ کیتے سارے وسائل ورتین، اتے کوڑ سچ دا نتارا کیتے۔ انہاں آکھیے جو آئی ایس پی آر اتے وزارتِ اطلاعات دے مضبوط رابطے دی وجہ توں پاکستان دا بیانیہ عالمی سطح تے مضبوط تھئے۔ وفاقی وزیر میڈیا اتے سوشل میڈیا صارفین دی یکجہتی کوں وی سراہیا اتے آکھیا جو پوری قوم مسلح افواج نال مونݙھا رلا تے کھڑی رہی۔ انہاں آکھیا جو پاکستان دے پہلے ڈیجیٹل کمیونیکیشن ڈیپارٹمنٹ دے قیام نال ڈس انفارمیشن دے چیلنجز نال نمٹݨ دی صلاحیت بہتر تھئی اے۔