اسلام آباد۔7 مئی(اے پی پی) فیلڈ مارشل سید عاصم منیر دیاں قائدانہ صلاحیتاں اتے کامیاب ملٹری ڈپلومیسی دی دنیا معترف اے، فیلڈ مارشل عاصم منیر دی عالمی امن دے ودھارے کیتے مخلصانہ کوششاں انہاں کوں عالمی عسکری قیادت اچ ممتاز بݨیندن۔ بین الاقوامی جریدے امریکہ-ایران مذاکرات اچ فیلڈ مارشل سید عاصم منیر دے بطور ثالث کردار کوں ٻہوں اہم تے کلیدی قرار ݙتے۔ سپین دے مشہور جریدے "ایل پائس" دے …
فیلڈ مارشل سید عاصم منیر دی قائدانہ صلاحیتاں اتے ملٹری ڈپلومیسی دی دنیا معترف
مزید خبراں
اسلام آباد۔7 مئی(اے پی پی) فیلڈ مارشل سید عاصم منیر دیاں قائدانہ صلاحیتاں اتے کامیاب ملٹری ڈپلومیسی دی دنیا معترف اے، فیلڈ مارشل عاصم منیر دی عالمی امن دے ودھارے کیتے مخلصانہ کوششاں انہاں کوں عالمی عسکری قیادت اچ ممتاز بݨیندن۔ بین الاقوامی جریدے امریکہ-ایران مذاکرات اچ فیلڈ مارشل سید عاصم منیر دے بطور ثالث کردار کوں ٻہوں اہم تے کلیدی قرار ݙتے۔ سپین دے مشہور جریدے “ایل پائس” دے مطابق مئی 2025 دی پاک-بھارت جنگ اچ فیلڈ مارشل سید عاصم منیر ہک فاتح اتے بہادر فوجی رہنما دے طور تے ابھرن۔ فیلڈ مارشل سید عاصم منیر بااثر شخصیت ہین اتے امریکہ-ایران سیز فائر (جنگ بندی) اچ انہاں دا کردار ٻہوں اہمیت رکھدے۔ ایل پائس دے مطابق تاریخ اچ پہلی واری کہیں امریکی صدر کہیں پاکستانی فوجی سربراہ دی میزبانی کیتی اے جیہڑے سربراہِ مملکت وی نا ہن۔ صدر ٹرمپ فیلڈ مارشل سید عاصم منیر کوں ہک غیر معمولی، بہادر اتے عظیم جنگجو قرار ݙتے۔ ایران-امریکہ مذاکرات اچ فیلڈ مارشل سید عاصم منیر ای بطور ثالث ڳالھ مہاڑ کوں اڳوں ودھیندے پئن۔ فیلڈ مارشل سید عاصم منیر انھاں چوݨوے عالمی شخصیتاں اچ ہین جیہڑے ہکو ویلے امریکہ اتے ایران ݙوہاں ملکاں نال مؤثر تریاکل دی صلاحیت رکھدن۔ ماہرین دے مطابق مشرقِ وسطیٰ کوں جنگ دی تباہی توں بچاوݨ اچ فیلڈ مارشل دا کردار ٻہوں اہم اے۔ عسکری قیادت دی پیشہ ورانہ صلاحیتاں دا عالمی سطح تے اعتراف پاکستان کیتے وݙے ماݨ دی ڳالھ اے۔
