ایوانِ بالا دا اجلاس؛ مسلح افواج، سکیورٹی اداریاں اتے پوری قوم دی قربانیاں کوں خراجِ تحسین

اسلام آباد۔7 مئی(اے پی پی) ایوانِ بالا (سینیٹ) متفقہ طور تے ہک قرارداد منظور کیتی اے جیندے اچ پاکستان دی خودمختاری، سلامتی اتے قومی وقار دے تحفظ کیتے مسلح افواج، سکیورٹی اداریاں اتے پوری پاکستانی قوم دی قربانیاں اتے بہادری کوں خراجِ تحسین پیش کیتا ڳئے۔ اے قرارداد پارلیمانی امور دے وزیر ڈاکٹر طارق فضل چوہدری ایوان اچ پیش کیتی۔ ایوان بالا “معرکہ حق” اتے “آپریشن بنیان مرصوص” ویلھے مسلح افواج دی پیشہ ورانہ مہارت اتے جرأت کوں سراہندے آکھیا جو انھاں کارروائیاں نال بھارت دے “آپریشن سندور” کوں مؤثر طریقے نال ناکام ٻݨایا ڳیا، ایں آپریشن دشمن کوں واضح سنیہا ݙتے جو پاکستان اپݨے دفاع دی مکمل صلاحیت رکھدے۔ ایوان صدر آصف علی زرداری اتے وزیراعظم شہباز شریف دی دانشمندانہ قیادت کوں وی سراہیا۔ قرارداد اچ چیف آف آرمی سٹاف اتے چیف آف ڈیفنس فورسز فیلڈ مارشل سید عاصم منیر کوں انہاں دی جرأت مندانہ قیادت اتے عسکری حکمتِ عملی تے خصوصی خراجِ تحسین پیش کیتا ڳیا۔ ایوان شہداء اتے غازیاں کوں وی خراجِ عقیدت پیش کیتا اتے عزم دوہرایا جو پوری قوم اپݨی افواج دے نال کھڑی اے اتے دفاع تے کوئی سمجھوتہ نہ کیتا ویسی۔