اسلام آباد۔7 مئی(اے پی پی) پاکستان اتے قطر خطے اچ پائیدار امن سانڳے جاری سفارتی کوششاں اڳو تے ودھاوݨ دے عزم دوہرائے۔ وزیراعظم محمد شہباز شریف کوں قطر دے وزیراعظم تے وزیرِ خارجہ شیخ محمد بن عبدالرحمن بن جاسم آل ثانی ٹیلیفون کیتے۔ ݙوہیں رہنماواں ڳالھ مہاڑ اچ خطے دی موجودہ صورتحال تے تفصیلی ڳالھ تھئی۔ فریقین خطے اچ پائیدار امن کیتے جاری سفارتی کوششاں کوں جاری رکھݨ دا عزم …
وزیراعظم شہباز شریف کوں قطری ہم منصب دا ٹیلیفون، خطے اچ پائیدار امن کیتے سفارتی کوششاں ودھاوݨ دا عزم
مزید خبراں
اسلام آباد۔7 مئی(اے پی پی) پاکستان اتے قطر خطے اچ پائیدار امن سانڳے جاری سفارتی کوششاں اڳو تے ودھاوݨ دے عزم دوہرائے۔ وزیراعظم محمد شہباز شریف کوں قطر دے وزیراعظم تے وزیرِ خارجہ شیخ محمد بن عبدالرحمن بن جاسم آل ثانی ٹیلیفون کیتے۔ ݙوہیں رہنماواں ڳالھ مہاڑ اچ خطے دی موجودہ صورتحال تے تفصیلی ڳالھ تھئی۔ فریقین خطے اچ پائیدار امن کیتے جاری سفارتی کوششاں کوں جاری رکھݨ دا عزم دہرایا۔ وزیراعظم 16 اپریل کوں دوحہ دے اپݨے حالیہ دورے دا ذکر کریندے ہوئیں آکھیا جو امیرِ قطر شیخ تمیم بن حمد آل ثانی اتے قطری قیادت دے نال ملاقاتاں خطے اچ امن ودھاوݨ کیتے اتفاقِ رائے پیدا کرݨ اچ ٻہوں ہتھ ونݙائے۔ وزیراعظم آکھیا جو پاکستان دے لوک امیرِ قطر دے تکھے پاکستان دے دورے دے تانڳھی ہین اتے انہاں دا اے دورہ پاکستان اتے قطر وچال برادرانہ تعلقات کوں ٻیا تکڑا کرݨ کیتے اہم کردار ادا کریسی۔ قطر دے وزیراعظم خطے اچ امن و استحکام کیتے پاکستان دی مسلسل کوششاں کوں سراہیا۔ انہاں وزیراعظم شہباز شریف کوں یقین ݙوایا جو قطر مشرقِ وسطیٰ اچ امن، سلامتی تے استحکام کیتے پاکستان دی قیادت اچ جاری سفارتی کوششاں دی مکمل حمایت جاری رکھسی۔ ݙوہیں رہنماواں باہمی دلچسپی دے معاملیاں اتے قریبی رابطہ تے مشاورت جاری رکھݨ تے اتفاق کیتا۔
