معرکہ حق پوری قوم دے اتحاد اتے عزم دا مظہر اے، چیئرمین سینیٹ یوسف رضا گیلانی

اسلام آباد۔9 مئی(اے پی پی)چیئرمین سینیٹ سید یوسف رضا گیلانی آکھیے جو معرکہ حق پاکستان دی تاریخ دا ہک فیصلہ کن لمحہ ہئی جیندے نال دنیا تے واضح تھی ڳئے جو ریاست اپݨی سلامتی اتے آئینی وقار دے تحفظ سانگے مکمل عزم رکھیندی اے۔ آپریشن بنیانٌ مرصوص دے ہک سال مکمل تھیوݨ تے یومِ معرکہ حق دے موقع تے اپݨے سنیہے اچ انہاں آکھیا جو اے محض عسکری کامیابی نئیں ٻھل پوری قوم دے اتحاد اتے ایمان دا عملی ثبوت اے۔ انہاں آکھیا جو افواجِ پاکستان ایں آپریشن دے ذریعے دشمن کوں بھرپور جواب ݙے تے ثابت کیتے جو اساں ہر ویلے تیار ہیں۔ انہاں شہدا کوں خراجِ تحسین پیش کیتا اتے آکھیا جو نوجواناں، میڈیا، سائنسداناں اتے انجینئرز وی قومی بیانیے کوں مضبوط ٻݨاوݨ اچ اہم کردار ادا کیتے۔ یوسف رضا گیلانی دا آکھݨ ہئی جو پاکستان ہک ذمہ دار ریاست اے جیہڑی امن کوں ترجیح ݙیندی اے، پر اپݨی علاقائی سالمیت تے کوئی سمجھوتہ نہ کریسی۔ انہاں قوم تے زور ݙتا جو متحد تھی تے پاکستان کوں مضبوط بݨاوݨ سانگے کم کرݨا ہوسی۔