اسلام آباد۔18 ستمبر (اے پی پی) وفاقی وزیرِ پارلیمانی امور ڈاکٹر طارق فضل چوہدری آکھیے جو امریکا ایران جنگ دے بعد پوری دنیا اوکھ دا شکار تھئی اے، حکومت ایں صورتحال دا ادراک کریندے موٹر سائیکل، چنگچی تے 800 سی سی گاݙیاں دے مالکان کوں ریلیف ݙیوݨ کیتے اقدامات کیتن، فیول ریلیف سکیم دے حوالے نال کہیں وی قسم دی کوئی رکاوٹ کائنی، مسلح جتھیں دے رلے اسلام آباد تے …
حکومت موٹر سائیکل، چنگچی تے چھوٹیاں گاݙیاں دے مالکان کوں ریلیف ݙیوݨ کیتے اقدامات کیتن، ڈاکٹر طارق فضل چوہدری
اسلام آباد۔18 ستمبر (اے پی پی) وفاقی وزیرِ پارلیمانی امور ڈاکٹر طارق فضل چوہدری آکھیے جو امریکا ایران جنگ دے بعد پوری دنیا اوکھ دا شکار تھئی اے، حکومت ایں صورتحال دا ادراک کریندے موٹر سائیکل، چنگچی تے 800 سی سی گاݙیاں دے مالکان کوں ریلیف ݙیوݨ کیتے اقدامات کیتن، فیول ریلیف سکیم دے حوالے نال کہیں وی قسم دی کوئی رکاوٹ کائنی، مسلح جتھیں دے رلے اسلام آباد تے چڑھائی دی کوشش کیتی ڳئی تاں قانون حرکت اچ آسی۔ اتھاں پریس کانفرنس نال خطاب کریندے انہاں آکھیا جو موجودہ صورتحال اچ حکومت عوام کوں ریلیف پڄاوݨ کیتے اہم فیصلے کیتن کیوں جو امریکا ایران جنگ پاروں اساݙا خطہ وی بری طرح متاثر تھئے، عالمی حالات پاروں پٹرولیم مصنوعات دیاں قیمتاں اچ ودھارا تھئے، ایں اوکھی صورتحال اچ وزیراعظم دی طرفوں فیول ریلیف سکیم دا اعلان کیتا ڳئے جیندے تحت موٹرسائیکل سواراں تے 800 سی سی تئیں دیاں گاݙیاں دے مالکان کوں سستا پٹرول ݙتا ویندا پئے، سکیم اچ اندراج کیتے عوام کیتے ایس ایم ایس وی مفت کرݙتا ڳئے، فیول ریلیف سکیم دے حوالے نال کہیں وی قسم دی کوئی رکاوٹ کائنی، فیول تے ٹارگٹڈ سبسڈی ݙتی ویندی پئی اے۔
