لاہور۔ 10 مئی(اے پی پی)وزیراعظم محمد شہباز شریف وزیر اعلیٰ خیبر پختونخوا محمد سہیل آفریدی نال رابطہ کر کے بنوں اچ پولیس چوکی تے دہشت گرداں دے حملے اچ قیمتی جاناں دے ضیان تے ارمان کریندے افسوس کیتے اتے آکھیے جو دہشت گردی دے خلاف صوبائی حکومت کوں ہر ممکن مدد ݙیسوں۔ وزیراعظم آفس دے میڈیا ونگ ولوں جاری بیان دے مطابق وزیراعظم وزیر اعلیٰ خیبر پختونخوا سہیل آفریدی نال …
وزیراعظم شہباز شریف دا وزیراعلیٰ خیبر پختونخوا نال رابطہ
مزید خبراں
لاہور۔ 10 مئی(اے پی پی)وزیراعظم محمد شہباز شریف وزیر اعلیٰ خیبر پختونخوا محمد سہیل آفریدی نال رابطہ کر کے بنوں اچ پولیس چوکی تے دہشت گرداں دے حملے اچ قیمتی جاناں دے ضیان تے ارمان کریندے افسوس کیتے اتے آکھیے جو دہشت گردی دے خلاف صوبائی حکومت کوں ہر ممکن مدد ݙیسوں۔ وزیراعظم آفس دے میڈیا ونگ ولوں جاری بیان دے مطابق وزیراعظم وزیر اعلیٰ خیبر پختونخوا سہیل آفریدی نال ٹیلیفون تے الیندے گزریل ڈینہہ بنوں اچ پولیس چوکی تے دہشت گرداں دے حملے دی شدید مذمت کیتی۔ وزیراعظم دہشت گردی دے واقعے اچ قیمتی جاناں دے ضیان تے افسوس کریندے واقعے اچ شہید تھیوݨ والے پولیس اہلکاراں دے درجات دی بلندی دی دعا کیتی اتے انہاں دے اہل خانہ کوں پرچاوݨی ݙتی۔ وزیراعظم واقعے اچ زخمی تھیوݨ والے لوکاں دی تکھے صحت یابی دی دعا وی کیتی۔ انہاں دہشت گردی دے مکمل خاتمے سانگے وفاق ولوں صوبائی حکومتاں نال مل تے کم کرݨ دے عزم دا اعادہ کریندے ہوئیں آکھیا جو دہشت گردی دے خلاف صوبائی حکومت کوں ہر ممکن معاونت ݙتی ویسی۔ ݙوہیں رہنماواں دہشت گردی دے خلاف لڑݨ والی پاک افواج، سکیورٹی فورسز اتے پولیس کوں خراج تحسین پیش کیتا اتے ملک توں ہر قسم دی دہشت گردی دے مکمل خاتمے سانگے اپݨے عزم دا اعادہ کیتا۔
