سری لنکا دے نال سیاسی، اقتصادی، تعلیمی، دفاعی تے عوامی سطح تے تعاون دے ودھارے کیتے پرعزم ہیسے، اسحاق ڈار

اسلام آباد۔ 4 جون (اے پی پی) نائب وزیراعظم تے وزیرِ خارجہ سینیٹر محمد اسحاق ڈار آکھیے جو پاکستان سری لنکا دے نال اپݨے پراݨے تے دوستانہ تعلقات کوں اہمیت ݙیندے تے او ݙوہیں ملکاں وچال سیاسی، اقتصادی، تعلیمی، دفاعی تے عوامی سطح تے تعاون دے ٻئے ودھارے کیتے پرعزم اے۔ دفترِ خارجہ موجب اے ڳالھ انہاں اتھاں وزارتِ خارجہ اچ سری لنکا دے نیشنل ڈیفنس کالج دے ہک اعلیٰ سطح دے وفد نال ملاقات کوں آکھی جیڑھا اپݨے مطالعاتی غیر ملکی دورے دے سلسلے اچ پاکستان آیا ہویا اے۔ملاقات اچ وفد کوں پاکستان دی خارجہ پالیسی، خطے کوں درپیش چیلنجز تے علاقائی و عالمی امور تے پاکستان دے موقف دے حوالے نال تفصیلی بریفنگ ݙتی ڳئی۔ سینیٹر اسحاق ڈار وفد دا پرتپاک خیرمقدم کریندے پاکستان دے دورے کوں ݙوہیں ملکاں وچال سانجھے رابطے تے فہم و ادراک دے ودھارے کیتے اہم قرار ݙتا۔ انھاں وفد کیتے پاکستان اچ کامیاب تے مفید قیام دی نیک تمناواں دا اظہار وی کیتا۔ نائب وزیراعظم ایں موقع تے آکھیا جو پاکستان، سری لنکا دے نال اپݨے پراݨے تے دوستانہ تعلقات کوں اہمیت ݙیندے تے ݙوہیں ملکاں وچال سیاسی، اقتصادی، تعلیمی، دفاعی تے عوامی سطح تے تعاون دے ٻئے ودھارے کیتے پرعزم اے۔ انھاں ایں اعتماد دا اظہار کیتا جو ایجھے تبادلہ جاتی دورے ݙوہیں دوست ملکاں دے تعلقات کوں مزید مستحکم بݨاوݨ اچ معاون ثابت تھیسن