وفاقی وزیرِریلوے دا پنجگورآپریشن اچ فتنہ الہندوستان دے 6 دہشت گرد ہلاک کرݨ تے سکیورٹی فورسز کوں خراجِ تحسین

اسلام آباد۔ 5 جون (اے پی پی) وفاقی وزیر ریلوے محمد حنیف عباسی پنجگور آپریشن اچ فتنہ الہندوستان دے 6 دہشت گرد ہلاک کرݨ تے سکیورٹی فورسز کوں خراجِ تحسین پیش کریندے آکھیے جو سکیورٹی فورسزپیشہ ورانہ مہارت تے جرات دا مظاہرہ کریندے دہشت گرداں دے مذموم عزائم ناکام بݨا ݙتے۔آپݨے جاری بیان اچ وزیرِریلوے آکھیا جو وطن دے دفاع تے امن سانڳے سکیورٹی فورسز دیاں قربانیاں پوری قوم کیتے ماݨ دی ڳالھ ہن۔ محمد حنیف عباسی آکھیا جو دہشت گردی دے خلاف جنگ اچ اساݙی بہادر فورسز دا عزم تے حوصلہ ناقابلِ شکست اے، پاکستان دے امن، سلامتی تے استحکام دے خلاف ہر سازش کوں ناکام بݨایا ویسی۔