اسلام آباد۔ 5 جون (اے پی پی) وفاقی جمہوریہ ایتھوپیا دے پاکستان اچ سفیر ڈاکٹر عمر حسین اوبا چیئرمین سینیٹ پاکستان سید یوسف رضا گیلانی نال انھاں دی رہائش گاہ تے ملاقات کیتی۔ سینیٹ سیکرٹریٹ توں جاری اعلامیہ موجب چیئرمین سینیٹ ایتھوپیا دے سفیر دا خیرمقدم کریندے ایتھوپیا دی قیادت تے عوام کیتے نیک تمناؤں دا اظہار کیتا تے پاکستان دے ایں عزم دا اعادہ کیتا جو ݙوہیں ملکاں …
ایتھوپئن سفیرڈاکٹرعمرحسین اوبا دی چیئرمین سینیٹ سید یوسف رضا گیلانی نال ملاقات
مزید خبراں
اسلام آباد۔ 5 جون (اے پی پی) وفاقی جمہوریہ ایتھوپیا دے پاکستان اچ سفیر ڈاکٹر عمر حسین اوبا چیئرمین سینیٹ پاکستان سید یوسف رضا گیلانی نال انھاں دی رہائش گاہ تے ملاقات کیتی۔ سینیٹ سیکرٹریٹ توں جاری اعلامیہ موجب چیئرمین سینیٹ ایتھوپیا دے سفیر دا خیرمقدم کریندے ایتھوپیا دی قیادت تے عوام کیتے نیک تمناؤں دا اظہار کیتا تے پاکستان دے ایں عزم دا اعادہ کیتا جو ݙوہیں ملکاں وچال سانجھے احترام، مشترکہ مفادات تے امن، خوشحالی و پائیدار ترقی دے مشترکہ وژن دی بنیاد تے پراݨے تے دوستانہ تعلقات مزید تکڑے بݨائے ویسن ۔چیئرمین سینیٹ پاکستان تے ایتھوپیا دے تاریخی تعلقات دا حوالہ ݙیندے آکھیا جو شہید ذوالفقارعلی بھٹو 1973ء اچ ایتھوپیا دے تاریخی دورے تے ادیس ابابا اچ پاکستان دے سفارت خانے دے افتتاح دے ذریعے ݙوہیں ملکاں دے تعلقات کوں تکڑے بݨاوݨ اچ اہم کردار ادا کیتا۔ انھاں ݙوہیں ملکاں وچال تعلقات اچ مثبت پیشرفت دا خیرمقدم کریندے آکھیا جو مجوزہ ݙوطرفہ سیاسی مشاورت دے معاہدے نال سفارتی رابطے مزید مستحکم بݨسن تے علاقائی و عالمی امور اچ تعاون کوں ودھارا ملسی۔چیئرمین سینیٹ پارلیمانی سفارتکاری دی اہمیت تے زور ݙیندے سینیٹ آف پاکستان اچ پاکستان۔ایتھوپیا فرینڈشپ گروپ دے قیام دا ذکر کیتا تے امید ظاہر کیتی جو اے فورم ݙوہیں ملکاں وچال پارلیمانی رابطے تے مستقل مکالمے کوں ودھارا ݙیسی۔ ایں موقع تے ایتھوپیا دے سفیر ڈاکٹر عمر حسین اوبا چیئرمین سینیٹ دی میزبانی تے شکریہ ادا کریندے پاکستان دی طرفوں ایتھوپیا تے افریقی براعظم دے نال ودھدے تعاون دی تعریف کیتی۔
